ශ්‍රී ලංකාවේ පළමු පෞද්ගලික හිමිකාරීත්වයක් සහිත ජාත්‍යන්තර ගුවන් සේවයක් වන FitsAir ගුවන් සමාගම, මැලේසියාවේ ක්වාලාලම්පූර් වෙත ගුවන් ගමන් ආරම්භ කර තිබේ. ඒ අනුව මෙරට ප්‍රමුඛතම අඩු පිරිවැය ගුවන් සේවාවක් වශයෙන් එම ගුවන් සමාගම කලාපීය ජාලයේ ශක්තිමත්භාවය පුළුල් කර ගැනීමට සමත්ව ඇත. 

ක්වාලාලම්පූර් වෙත ගුවන් ගමන් ආරම්භ කිරීම ලබන අප්‍රේල් 04 වැනිදා සිට ක්‍රියාත්මක වන අතර, සතිපතා ගුවන්ගමන් වාර 04ක් සමගින් එය දියත් කිරීමට නියමිතව තිබේ. FitsAir ගුවන් සමාගම සිය මෙහෙයුම් පුළුල් කිරීම ඔස්සේ කලාපීය ගුවන් සේවා අංශයේ භූමිකාව තවදුරටත් ශක්තිමත් වන අතර, දැරිය හැකි මිලකට සහ විශ්වාසවන්ත ගුවන් ගමන් සඳහා වැඩිවන මගීන්ගේ ඉල්ලු‍ම සපුරාලීම සඳහා FitsAir හි කැපවීම ද ඉස්මතු වේ. 

ක්වාලාලම්පූර් වෙත ගුවන් ගමන් ආරම්භ කිරීම, FitsAir ගුවන් සමාගමෙහි ප්‍රධාන සන්ධිස්ථානයක් ලෙසින් කැපී පෙනේ. එමෙන්ම මෙම නවතම ගුවන් මාර්ගය ඔස්සේ වෙළෙඳ කටයුතු හා සංචාරක ගුවන් ගමන් සඳහා වැඩි අවස්ථා නිර්මාණය වන අතර, දැරිය හැකි මිලකට ගුවන් මගීන්ට පහසුවෙන් ප්‍රවේශ විය හැකි ගුවන් සේවාවක් වශයෙන් ද ස්ථානගත වේ.