නව කොරෝනා වයිරසය හේතුවෙන් කඩාවැටුණු සංචාරක කර්මාන්තය ගොඩගැනීම සඳහා ස්පාඤ්ඤ ආණ්ඩුව යූරෝ බිලියන 4.25 (ඇමෙරිකානු ඩොලර් බිලියන 4.78) සැලැස්මක් ඉදිරිපත් කර ඇත.

ස්පාඤ්ඤය යනු නව කොරෝනා වයිරසය හෙවත් කොවිඩ්-19 ගෝලීය වසංගතයෙන් දැඩි බලපෑමක් එල්ල වූ රටවල් අතරින් එකකි.

නව කොරෝනා වයිරසයේ බලපෑම නිසා ස්පාඤ්ඤ ආර්ථිකය දරුණු කඩාවැටීමකට ලක්විය. එරටට ආදායම් ගෙන දෙන ප්‍රධානම කර්මාන්තයක් වන සංචාරක කර්මාන්තයට ද ඒ හේතුවෙන් දැඩි බලපෑමක් එල්ල විය.

‘‘ස්පාඤ්ඤය සංචාරක කර්මාන්ත නැවත ආරම්භ කරනව’’ යැයි ස්පාඤ්ඤ අග්‍රාමාත්‍ය පෙද්‍රෝ සැන්චේස් පැවැසීය.

‘‘අපි ලෝක නායකයෙක්. අපි ගන්න සෑම ක්‍රියාමාර්ගයක්ම ආරක්ෂිත’’ යැයි ද නව සැලැස්ම ඉදිරිපත් කරමින් හෙතෙම කීය.

අල්ජසීරා

 

055