භානුක අමරසිංහ
අඩු මිලට පාපැදි ආනයනය හේතුවක්
අමුද්රව්යවලට ඉහළ බදුත් බලපාලා
දකුණු ආසියාවේ ප්රමුඛතම පාපැදි නිෂ්පාදන සමාගමක් වන ලුමාලා සිටි සයිකල් ඉන්ඩස්ට්රීස් මැනුෆැක්චරින් පෞද්ගලික සමාගම (Lumala City Cycle Industries Manufacturing Pvt Ltd) වැසී යාමේ අවදානමක් මතුව ඇති බවට එහි සේවකයෝ කනස්සල්ල පළකරති.
පානදුර පිහිටි ලුමාලා පාපැදි නිෂ්පාදන සමාගම දශක පහකටත් වැඩි කාලයක් පුරා මෙරට ප්රමුඛ සමාගමක් ලෙස නමක් දිනා සිටින සමාගමකි. ඉහළ යන නිෂ්පාදන පිරිවැය සහ අසාධාරණ වෙළෙඳපොළ තත්වය හේතුවෙන් මෙලෙස එම සමාගම වැසී යාමේ අවදානමකට මුහුණ පා ඇතැයි සේවකයෝ පවසති.
″මේ වනවිට සමාගමේ වැඩකටයුතු කොටස් වශයෙන් නවතා දැමීමට සමාගමේ කළමනාකාරීත්වය පියවර ගනිමින් සිටිනවා. ඒ අනුව, ශ්රී ලංකාවේ පිහිටි ක්රොමියම් ප්ලේට් නිෂ්පාදනාගාර කිහිපය අතුරින් එකක් වන ලුමාලාහි ක්රොමියම් ප්ලේට් නිෂ්පාදනය නැවැත්වීමටත් වානේ රිම් නිෂ්පාදන ඒකකය වසා දැමීමටත් සමාගම කටයුතු කර තිබෙනවා.“ යනුවෙන් ඔවුහු සඳහන් කරති.
මේ තත්වයත් සමගින්ම ඉදිරියේදී, ෆෝර්ක් සහ මඩ්ගාඩ් නිෂ්පාදනය, ඇලොයි රිම් නිෂ්පාදනය, ෆ්රේම් නිෂ්පාදනය සහ පින්තාරු නිෂ්පාදන ඒකකය ඇතුළු අංශ ගණනාවක් වසා දැමීමට සිදුවනු ඇතැයිද ඔවුහු පවසා සිටිති.
“ඊට මුහුණ දීමට ඉතාම කඩිනම් පියවර ගත යුතුයි. දශක දෙකකටත් වැඩි කාලයක් පුරා ලුමාලා සමාගම වෙනුවෙන් සේවය කළ සේවකයන් දැන් තමන්ගේ රැකියාව අහිමිවීමේ අවදානමකට මුහුණපා සිටිනවා″, යනුවෙන් ලුමාලා කර්මාන්තශාලාවේ සාමාන්යාධිකාරී රන්ජිත් සිරිවර්ධන මහතා සඳහන් කරයි.
මෙහිදී අර්බුදය සඳහා බලපෑ ප්රධාන අභියෝග කිහිපයක් පවතින බව ලුමාලා සේවකයෝ සඳහන් කරති. නිසි නියාමනයකින් තොරව සිදුකෙරෙන පාපැදි සහ විද්යුත් පාපැදි ආනයනයට ඊට එක් හේතුවක් වී තිබේ.
“ඒ වගේම ඇතැම් වෙළෙඳ ආයතන, පාපැදි අමතර කොටස්, පාපැදි නිෂ්පාදන අමුද්රව්ය ලෙස පෙන්වමින් රේගු බදු සහ වැට් බදු වංචා සිදුකරමින් විශාල ලෙස ලාභ ඉපැයීමට කටයුතු කරනවා. ඊට අමතරව ඉතාම අවම මිල ගණන් යටතේ එම පාපැදි වෙළෙඳපොළට නිකුත් කිරීමටත් පියවර ගෙන තිබෙනවා.’ යනුවෙන්ද ඔවුහු පවසති.
ශ්රී ලාංකිකයන්ගෙන් සියයට 25 ක් කෘෂි කර්මාන්තයට සම්බන්ධ බවත් එහෙත් කෘෂි කර්මාන්තය මෙරට දළ දේශීය නිෂ්පාදිතයට දායකත්වය ලබා දෙන්නේ සියයට 7 කින් බවත් ආසිය
ආර්ථික අර්බුදය හේතුවෙන් කඩා වැටුණු මෙරට ජපන් ව්යාපාර මෙම වසරේදී ශක්තිමත්ව ධනාත්මක දිශාවකට ගමන් කරන ලකුණු පෙනෙන්නට ඇති බව ජපාන විදේශ වෙෙළඳ සංවිධානය
ජාතික තේ විකුණුම් සාමාන්යය, මෙම 2025 වසර ආරම්භයේ දී මිශ්ර අගයක් පෙන්නුම් කළේය. ඒ, රුපියලේ සාමාන්ය වැඩිවීමක් සමඟිනි. එහෙත් එය ඩොලරයේ සුළු අඩුවීම් හේතුවෙ
ශ්රී ලංකාවේ ජාතික බුද්ධිමය දේපළ කාර්යාලයේ ලේඛන ඩිජිටල් කරණය කිරීමේ ව්යාපෘතිය සඳහා කැබිනට් අනුමැතිය ලැබී ඇත.
කටුනායක, බණ්ඩාරනායක ජාත්යන්තර ගුවන් තොටු පොළේ පිටත්වීමේ/සංක්රමණ ප්රදේශයේ ජාත්යන්තර වශයෙන් ක්රියාත්මක ආහාර පාන ජාල වල අලෙවිසැල් ක්රියාත්මක කි
සපුගස්කන්ද තෙල් පිරිපහදු සංකීර්ණය සංවර්ධනය කිරීම සහ දිනකට බැරල් 100,000ක ධාරිතාවකින් යුත් නව පිරිපහදුවක් ස්ථාපිත කිරීමට කැබිනට් අනුමැතිය ලැබී ඇතැයි කැබ
ශ්රී ලංකාවේ අංක එකේ පාරිභෝගික ඉලෙක්ට්රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්රී ලංකාවට හදුන්වාදෙන ලදි.
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්රමුඛතම විශ්වවිද්යාලයක් වන NSBM
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
දේශීය පාපැදි කර්මාන්තය රැකගන්න ලුමාලා සේවකයෝ රජයෙන් ඉල්ලති