IMG-LOGO

2025 අගෝස්තු මස 30 වන සෙනසුරාදා


ආයෝජනයක් නොලැබුණොත් ඊටීඅයි ගැන තීරණයක් ගන්නවා - මහ බැංකු අධිපති

හර්ෂණ තුෂාර සිල්වා
 
ඊ.ටී.අයි සමාගම පවත්වාගෙන යෑම සඳහා ඇමෙරිකා එක්සත් ජනපද ඩොලර් මිලියන 100ක ආයෝජනයක් කළ හැකි ආයෝජකයකු ඉදිරිපත් නොවූවහොත් එම සමාගම සම්බන්ධයෙන් ශ්‍රී ලංකා මහ බැංකුවට ඉදිරි ක්‍රියාමාර්ග ගැනීමට සිදුවන බව මහ බැංකු අධිපති ආචාර්ය ඉන්ද්‍රජිත් කුමාරස්වාමි මහතා අද (6) ප්‍රකාශ කළේය. 

 
සිංගප්පූරුවේ සමාගමක් වන ‘බ්ලූ සමිට්’ සහ ශ්‍රී ලංකාවේ සමාගමක් වන ‘බෙන් හෝල්ඩින්ස්’ සමාගම මේ වනවිට ඊ.ටී.අයි සමාගමේ එක්සත් ජනපද ඩොලර් මිලියන 75ක ආයෝජනයක් කර ඇති බව කී මහ බැංකු අධිපතිවරයා එම මුදලින් ඩොලර් මිලියන 43ක් සමාගමට ලැබුණු බව ද පැවැසීය. 
 
ශ්‍රී ලංකා මහ බැංකු ශ්‍රවණාගාරයේ අද (6) පැවැති මාධ්‍ය හමුවකදී අදහස් දක්වමින් මහ බැංකු අධිපති ආචාර්ය ඉන්ද්‍රජිත් කුමාරස්වාමි මහතා එම කරුණු සඳහන් කළේය. 
 
ලැබුණු පළමු වාරික මුදලෙන් එක්සත් ජනපද ඩොලර් මිලියන 32කින් තැන්පත්කරුවන්ගේ වගකීම්වලින් සියයට 10ක මුදලක් ගෙවූ බව ද මහ බැංකු අධිපතිවරයා කීවේය.  පළමු වාරිකයේ ඩොලර් මිලියන 11ක් සමාගමේ ගිණුමට ලැබී ඇති බව ද හෙතෙම පැවැසීය.
 
අදාළ ආයෝජනයේ දෙවැනි වාරිකය ජූනි මස අග ලැබීමට නියමිතව තිබුණත් එම මුදල මෙම මස අගදී ලැබෙන බවත් එම මුදල ලැබුණු පසු තැන්පත්කරුවන්ගේ වගකීම්වලින් සියයට 20ක් ගෙවීමට හැකි බවත් අධිපතිවරයා කීවේය. 
 
ඉහත කී ආයෝජනය තැන්පතු වගකීම්වලින් නිදහස් වීමට සහ වත්කම් විකිණීමට බව කී මහ බැංකු අධිපතිවරයා සමාගම පවත්වාගෙන යෑමට තවත් එක්සත් ජනපද ඩොලර් මිලියන 100ක ආයෝජනයක් අවශ්‍ය බව කීවේය.
 
එම මුදල නොලැබුණහොත් ශ්‍රී ලංකා මහ බැංකුවට සමාගම සම්බන්ධයෙන් තීරණයක් ගැනීමට සිදුවන බව ද මහ බැංකු අධිපති ආචාර්ය ඉන්ද්‍රජිත් කුමාරස්වාමි මහතා පැවැසීය. 



අදහස් (4)

ආයෝජනයක් නොලැබුණොත් ඊටීඅයි ගැන තීරණයක් ගන්නවා - මහ බැංකු අධිපති

sanath Sunday, 08 July 2018 06:29 PM

මේකේ ආයෝජනය කරනවා කියන්නේ සියදිවි නසාගන්නවා වගේ වැඩක් කියලයි මට නම් හිතෙන්නේ.

:       0       39

d k de silva Monday, 09 July 2018 12:01 AM

මෙම සිද්ධිය සම්බන්දයෙන් රජයේ මැදිහත් වීම හැකි ඉක්කමනින සිදුවිය යුතු අතර , තැම්පත් කරුවන්ගේ මුදල් පොලිය සමග යලි ලබාදීමට රජයේ මැදිහත් වීම අනිවාර්ය වේ. නොඑසේනම් මෙරටේ සමස්ත පෞත්ගලික බැංකු පද්දතියම කඩා වැටීමට මෙය හේතු පාදකයක් විය හැකිය . මොකද රටේ ජනතාවගේ විශ්වාසය බිද වැටී ඔවුන් සියලු පෞද්ගලික මුල්‍ය සාමාගමවල තැම්පත් කරනලද මුදල් ආපසු ගැනීමට පෙලබුනහොත් මේරටේ සමස්ත බැංකු පද්දතියම අනතුරේ ................මෙය එක බැංකුවක් වෙත නොව ......මුළු රටේම ආර්ථිකයට බලපාන ප්‍රශ්නයකි ...........

:       17       162

Esala Monday, 09 July 2018 09:24 AM

මොලයක් කියලා දෙයක් නැත්නම් ආයෝජකයින් එයි.. මේ බාගෙට ගිලිලා තියන නැවට නගින්න. ඉතුරු ටිකත් ගිලෙනකම් බලාගෙන ඉන්න තමයි තියෙන්නේ.

:       4       45

imesh Thursday, 12 July 2018 04:20 AM

මේකට අත දැම්මේ නැත්තන් මේක අගේට දුවනවා. වෙලාවට සල්ලි ගෙව්වා කිසිම කරදරයක් නැතුව.

:       75       4

ඔබේ අදහස් එවන්න

 

 
 

මේවාටත් කැමතිවනු ඇති

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15332 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 501 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

සියපත ෆිනෑන්ස් 55 වැනි ශාඛාව අම්බලන්ගොඩ දැන් විවෘතයි! 2025 අගෝස්තු මස 15 274 0
සියපත ෆිනෑන්ස් 55 වැනි ශාඛාව අම්බලන්ගොඩ දැන් විවෘතයි!

ශ්‍රී ලංකාවේ බැංකු නොවන මූල්‍ය සමාගම් අතර ප‍්‍රමුඛතම මූල්‍ය සමාගමක් මෙන්ම සම්පත් බැංකුවේ පූර්ණ හිමිකාරීත්වය සහිත මූල්‍ය සමාගම වන සියපත ෆිනෑන්ස් පීඑ

Our Group Site