‘බර‘ නිදහස් කරගන්නා තෙක් ඉස්පාසුවක් නැතියවුන්ම ඉලක්ක කර ඇති වැඩසටහනක් ඩෙන්මාර්කයේ ඇම්ටර්ඩෑම් නගරයේ ක්‍රියාත්මකය.

නගරයේ තැන් තැන්හි පිහිටුවා ඇති ජංගම කැසි කිළි වලට ‘බර‘ ඇතියවුන්ට ආරාධනා කෙරෙන අතර ඔවුනට දැනුම් දෙන්නේ  හරිත නගරයක් ඇතිකිරීම වෙනුවෙන් ඔවුන්ගේ මුත්‍රා ලබාගැනෙන බවයි.

මෙම හරුපයේ තේරුම පැහැදිලි කර දෙනු ලැඛෙන්නේ ‘බර‘නිදහස් කරගෙන ගත සිත සැහැල්ලූ කර ගත්තායින් පසුවය.

මිනිස් මුත්‍රාවල ඇති නයිට්‍රජන්,පොටෑසියම් හා පොස්පරස් යන පෝෂකයන් උකහා ගැනීම මෙම වැඩසටහනේ අරමුණයි.මෙම පෝෂකයන් ශාඛවල වර්ධනයට වැදගත්ය.ශාඛ වලට යොදන රසායනික පොහොර වල අන්තර්ගත වන්නේත් මෙම පෝෂක අඩංගු වෙයි.

මුත්‍රා වලින් ලබාගැනෙන මෙම පෝෂක  ආධාර කරගෙන පොහොර නිපදවා ඒවා ඇම්ස්ටර්ඩෑම් නගරයේ වගා කර ඇති ශාඛ වලට යෙදීම සිදුකෙරේ.මෙහිදී වෙන වෙනම රසායනික පොහොර මිලදී ගන්නවාට වඩා අඩු වියදමකින් අවශ්‍ය පොහොර වර්ග සකස් කර ගැනීමට හැකියාව ඇතැයි මේ වැඩසටහනේ නිර්මාතෘවරු කියති.

යහපත් අරමුණක් වෙනුවෙන් ‘මුත්‍රා‘ පරිත්‍යාග කිරීමට ඉදිරිපත්වන්නවුන්ගේත් අඩුවක් නැති බව පවසන ඔවුන් රසායනික පොහොර නිෂ්පාදනය කිරීමට අවැසි අමුද්‍රව්‍ය ශීඝ්‍රයෙන් ක්ෂය වෙමින් පැවතීම සම්බන්ධයෙන් මහජනයා දැනුම්වත් කිරීමත් මෙම වැඩසටහනෙන් බලාපොරොත්තු වන්නක් පවසයි.