ඊ මේල්, එස්.එම්.එස්, එම්.එම්.එස් පැමිණීමේ ප්රතිඵලය වූයේ එදා තිබූ පෙම් පත ටිකෙන් ටික අභාවයට යාමයි. එසේ වුව ද පෙම්පතේ ඉතිහාසය වසර 450ට වඩා ඈතට දිවයන බව දකුණු කොරියාවෙන් ලැබුණු සාධක අනුව තහවුරු වී ඇත.
කොරියාවේ අන්ඩොන්ග් නගරයේ කළ කැණීමක දී හමුවූ මමියක් සමග තිබී මේ පෙම්පත හමුවී ඇත. 1568 දී එය ලියා ඇත්තේ පැරණි ලතින් බසිනි. මමිය නිවැරදිව හදුනා ගැනීමට ද මේ ලිපිය ඉවහල්වී ඇත. කොරියාවේ ගොසෙයොන්ග් යී ගෝත්රයේ ඉයුන් ටෝ නමැති පුද්ගලයා මමියක් බවට පත්ව නූතන පුරාවිද්යාඥයන්ට හමුවී ඇති බවට පෙම්පත මනා සාක්ෂියකි.
මේ ලිපිය ලියා ඇත්තේ ඔහුගේ බිරිඳ විසිනි. ඇය ඔහු අමතන්නේ 'වෝන්ගේ පියා' යනුවෙනි. මමිය අසළ තිබී තවත් ලිපි 12 ක් සොයාගෙන ඇත.
ඒ ලිපි අතරින් වඩාත් සංවේදී වන්නේ පෙම් හසුනයි. ඇයට ඔහු නොමැතිව ජීවත්විය නොහැකි බවත් ඔහු යන තැනකට තමා ද රැගෙන යන ලෙසත් එම ලිපියේ ලියා ඇත. මේ ලිපි අතර තිබී කාන්තාවකගේ හිසකෙස් කිහිපයක්, තවත් කඩදාසි විශේෂයකින් ඔතන ලද මල්ලක් ද හමුවී ඇත. මල්ල විවිර කළ විට දක්නට ලැබුණේ කාන්තා හිසකෙස් වලින් ගොතා නිම කරන ලද පාවහන් යුගලකි. පර්යේෂකයන් පවසන්නේ ලිපිය ලියූ බිරිද තම හිසකෙස් වලින් පාවහන් ගොතා තම සැමියාට එවා ඇති බවයි.
ඒ කෙසේ වුව ද විසදුම් නැති ගැටළුවක් ඉතිරිව තිබේ. මේ මිනිසා තම බිරිද එවූ ලිපි හා පාවහන් යුවළ සහිත මල්ල පපුවට තුරුළුකැරගෙන මියගියේ කෙසේ ද ? මියගිය ඔහු මමියක් බවට පත්කළා ද නැතිනම් ස්වභාවික සාධක හේතුවෙන් මමියක් බවට පත්වූවා ද ? ඒ ගැටළු වලට පර්යේෂකයන්ට විසදුම් නැත.




COMMENTS
Reply To:
Sisira - cb chds hcdsh cdshcsdchdhd
සමහර විට අපිට පමණක් නෙමේ ඔහුගේ පෙම්වතියටත් ගැටළුවක් වෙලා තියන්නේ ඇති ඔහුට කුමක් ඌවාද කියා ? .(නදී)
පළමු ලිපිය නම් කොරියන් අකුරෙන් ලියූ බවයි මට නම් පෙනෙන්නේ. (නි)
මෙම ලිපිය ලියා ඇත්තේ කොරියන් භාෂාවෙන්. කරුණාකර එය නිවැරදි කරන්න. .(නදී)
මා ලග තියෙනවා පෙම්පත් 4500ක් විතර පෙම්වතුන් 450 කගේ. කොහොමද ටිකිරි මොලේ.(නදී)
පෙම් රජ දහනේ....(නදී)
මම එවපු ලියුමත් ඔයා ළඟ තාමත් තියෙනවාද සමදරා? (නි)
මට මගේ පළවෙනි පෙම්වතා මතක් වුණා! (නි)
සමදරා, බැරිද මාව 451 වැනියා කරගන්න. (නි)
මම කියන්නෙත් උඩ ඇති ලිපියේ කොරියන් අකුරු තියෙන්නේ (නි)
මේක ලියලා තියෙන්නේ කොරියන් වලින් තමයි. ඒත් නිවුස් එකේ තියෙන්නේ ලතින් භාෂාවෙන් කියලා. ලතින් අකුරු වලින් කියලා නෑ. ලතින් භාෂාවත් පාලි භාෂාව වගේ. නිශ්චිත අකුරු නෑ. ඕනෑම අකුරු වර්ගයකින් ලියන්න පුළුවන්. ඉංග්රීසියෙන් උනත්. (ස)
දෙයියෝ සාක්කි! මේක පෙම් හසුනක්. අපේ අයියලා -අක්කලා ඒකටත් භාෂාව දානවා. වාර්තාවට දොස් කියනවා. ප්රේමය මාගේ ආහාරයයි. ලියමුද සෙනෙහ කොළයක්...? (නි)
සමදරා මහත්මිය, ඔබතුමිය ගුරුතුමියක්ද? මට නිකං එහෙම හිතුනා. (නදී)
ම දන්නා සිය කෙනෙක් ae දවසවල් අච්චිගේ ගෙදරින් තුබුන අරෝවට ලියුම් දීල තියෙන්නේ තැඹිලි ගෙඩියේ ඇල්පෙනෙත්තෙන් ලියලා. කොහොමද සිය්යගේ ටිකිරි මොලේ නමසිය බර ගණන් වල (අ)