හදිසියේ ඇතිවූ අධික උණුසුම් තත්ත්වය හේතුවෙන් පකිස්තානයේ දකුණුදිග සින්ද් පළාතේ 120ට අධික පිරිසක් මියගොස් ඇතැයි විදෙස් මාධ්‍ය වාර්තා කරයි. උෂ්ණත්වය සෙල්සියස් අංශක 45ට වැඩි අගයක පැවතීම මේ මරණවලට හේතුවී ඇත.

වැඩිම පිරිසක් මියගොස් ඇත්තේ කරච්චි නගරයේය. ඒ 114කි. නගරයේ විදුලි අවශ්‍යතාව ඉහළයාම හේතුවෙන් විදුලි කප්පාදුවක් ද ක්‍රියාත්මක වෙයි. කරච්චිහි ජිනා රෝහලේ පාලන අධිකාරිය පවසන්නේ මියගිය බොහෝ දෙනා වයෝවෘද්ධ පුද්ගලයන් බවයි. ඔවුන් අධික උණ ගතියෙන්, විජලනයෙන් හා වලිප්පු රෝගයෙන් පෙළුණු බව වාර්තා වෙයි. මෙය පසුගිය වසර පහළොවක කාලයේ දී පකිස්තානයේ වාර්තා වූ ඉහළම උෂ්ණත්වයයි.

පකිස්තානයේ බොහෝ මුස්ලිම් බැතිමතුන් රාමදාන් උපවාසය ගත කරයි.