මාස නමයක ගැබිණි මවක් ඉන්දියාවේ ක්රිෂ්ණා ගඟ හරහා කිලෝ මීටරයක පමණ දුරක් පිහිනා උපදින්නට සිටින දරුවාට ආරක්ෂිත ස්ථානයක් සොයාගෙන ඇතැයි ඉන්දීය මාධ්ය වාර්තා කරයි.
යෙලෙව්වා නමැති මේ තරුණිය 22 හැවිරිදිය. බැංගලෝරයේ සිට කිලෝ මීටර 400ක් ඈතින් යඩ්ගාර් දිස්ත්රික්කයේ ක්රිෂ්ණා ගඟ මැද පිහිටි දූපතක ඇය ජීවත් වූවාය. ඇයට තමන් සිටින දූපතේ සිට ගොඩබිමට යා හැකි එකම මාර්ගය පහුරක් පමණි. මෝසම් වැසිවලින් ප්රචණ්ඩ වූ ගඟේ පහුරකින් යා නොහැක.
තම ගමේ දරු ප්රසූතිය සඳහා සුදුසු රෝහලක් නොතිබූ නිසා දරුවා වෙනුවෙන් එගොඩට පීනා ගිය බව ඇය පවසයි.
‘‘ මට මගේ දරුවා ආරක්ෂා සහිතව ලැබීමට වුවමනා වුණා. ගමේ වෛද්ය මධ්යස්ථානයක් නොතිබූ නිසා දරුවා ගෙදරදී බිහිකරන්න වේයැයි බිය වුණා. මෝසම් වැස්ස සමග ගඟ ප්රචණ්ඩ වන නිසා මට පහුරකින් එගොඩට යා නොහැකි වනවා. ඒ නිසා මා පිහිනා ගොඩට ආවා. “
ගම්වාසීන් සහ වෛද්යවරුන් පවසන්නේ ඇගේ පිහිණීම විශ්මය ජනක බවයි. ඇය ගඟ හරහා පිහිනා ඇත්තේ ගඟේ ජල මට්ටම අඩි 12 සිට අඩි 14 දක්වා වැඩි වී තිබිය දී ය. ගඟ එවැනි තත්ත්වයක තිබිය දී පිහිනීමට පළපුරුදු අයකු පවා මෙලෙස පිහිනා නොයන බව ගැමියෝ කියති.
‘‘දරුවා සම්බන්ධයෙන් තිබූ අධිෂ්ඨානය මගේ බය දුරු කළා. මගේ සහෝදරයන් සහ පියා මට උදව් කළා. ඔවුන් වේලුණු කුහර සහිත වට්ටක්කා ගෙඩි සහ ලබු ගෙඩි එකට ගැට ගසා ඒවා මගේ බඩ වඩා එල්ලුවා. දිය මත පාවීමේ දී එය මට විශාල රුකුලක් වුණා. මගේ සොහොයුරා ඉදිරියෙනුත් පියා පිටුපසිනුත් මට ආරක්ෂාව දෙමින් පිහිනුවා. කෙසේ වෙතත් මේ ගමනට පැයක පමණ කාලයක් ගතවුණා. ‘‘
ගඟ දිගේ පිහිනා ආ ඇය දැන් රෝහල අසළ ම ඥාති නිවසක සුවෙන් පසුවෙයි.
රෝහලේ වෛද්ය වීනා මෙසේ කියයි.
‘‘ මා මේ රෝහලේ වසර හතක් සේවය කළා. වරින් වර ඇතැම් අය පිහිනා ගොඩට පැමිණ රෝහලට එනවා. නමුත් ගඟ හරහා පිහිනූ කාන්තාක් දුටු පළමු අවස්ථාවයි. ඇගේ විශේෂත්වය වන්නේ ඇය මාස නමයක ගැබිණියක් වීමයි. “
ඇය ඉතා නිරෝගී සුවයෙන් පසුනවන බව වෛද්යවරු කියති.


COMMENTS
Reply To:
Sisira - cb chds hcdsh cdshcsdchdhd
ලංකාවේ ඇත්තටම මෙහෙම වීර ක්රියාවක් අහන්නවත් ලැබෙන්නේ නැහැ (දී)
මෙයින් ගතයුතු වැදගත්ම දේ තමයි මේ දුප්පත් දූපත් වැසියන්ට ගඟෙන් එගොඩ මෙගොඩ යෑමට සුදුසු බෝට්ටුවක් ලබාදීම. ඉන්දියාවේ කෝටිපතියන් මෙය දැක සුදුසු බෝට්ටුවක් මොවුන්ට ලබාදේවායි මම ප්රාර්ථනා කරනවා. වීර කාන්තාවට නිරෝගීමත්ව දරු පැටියෙකු බිහිකිරීමට තෙරුවන් සරණ ලැබේවා! (නි)
නීරෝගිමත් දරු සම්පතක් ලැබේවා! අම්මේ, ඔබට බුදු සරණයි! (නි)
බොහොම හොඳයි (අ)
"සරත් 2014-08-06 10:47:47 ලංකාවේ ඇත්තටම මෙහෙම වීර ක්රියාවක් අහන්නවත් ලැබෙන්නේ නැහැ" ලංකාව මෙහෙම පහත් කරල කතා කරන්න එපා. උඩ බලාගෙන කෙළ ගහන්නෙ නැතුව ඉන්න. (දී)
නිරෝගී දරු සම්පතක් ලැබේවා (අ)
ඔබ ඇත්තටම වීර මාතාවක්.ඒ වගේම කුස තුළදීම දරුවන් මරණ ඉපදුන පසුව දරුවන් මරණ හැම අම්මෙකුටම ඔබ ආදර්ශයක් වේවා ! නිරෝගී දරු සම්පතක් ලැබේවා!ඔයාගේ තාත්තාට අයියාට දීර්ඝායුෂ ලැබේවා! (නි)
ලංකාවේ මම හිතන්නේ මහියංගනයේ කාන්තාවක් තමන්ගේ ස්වාමියා කිබුලෙක් දහගෙන යනකොට ගගේ පිහිනල කිබුලත් එක්ක සටන් කරලා තමන්ගේ ස්වාමියා බේරාගෙන තිබුන.මට මතක තියෙනවා (දී)
විශ්වාස කරන්නත් අමාරුයි (නි)
සුභපැතුම් (දී)
ඇත්තටම මගේ ඇස් වල මෙ වෙලාවෙත් කදුලු තියනවා මෙක කියවලා හොදින් දරුවා බිහි කරලා හොද වැදගත් දරුවේක් කරන්න පින් ගොඩක් ලැ බේවා.... (දී)
මවකගේ මවු සෙනෙහසේ තරම. (දී)
නිරෝගී දරු සම්පතක් ලැබේවා (දී)
වීර මවක් ,මවු සෙනෙහෙ අරුමය (දී)
ධිර්ගායු වේවා මෑණියනි ඔබට (දී)
නොමිනිසුන් මැද දිවිගෙවන දහසකුත් මව්වරුනට ඔබ උපහාරයක් වේවා...!!! නිරෝගී දරුසම්පතක් ලැබේවා..!!! (දී)
දිරිය මාතා (දී)
රූපා ඔයා හරියටම හරි ඇය වීර කාන්තාවකි ඒ වගේම අැයගේ තාත්තට සහ අයියටත් දීර්ඝායුෂ පතමි. (අ) .....
මැයට මගේ උත්තමාචාරය හිමි වෙනවා ඉතාම නිර්භීත කාන්තාවක් (දිල්)
ජය ලලිතා තමිල්නාඩුවේ නළු නිලියෝ ලංකාවේ දේවල් ඔලුවේ දාගන්නේ නැතුව ඉන්දියාවේ දුප්පත් අයට අවම පහසුකම් වත් ලබාදීමට කටයුතු කරන එක තමයි කල යුත්තේ. උතුරේ වැසියන්ට දැන් හැම පහසුකමක් ම ආණ්ඩුවෙන් ලබා දෙනවා. (ස)
මට මේ සඳහා ලිවීමට වචන ගලපා ගන්න බැරිතරමට හිත සංවේදියි. දෑසින් කදුළු ගලාගෙන ගියා ඇය පිහිනු ගඟට සමානව ..? මොකද මමද කුඩා දියණියක සිටින මවක් නිසා. ඇය කල ක්රියාව ගැන හිතට ලියාගන්න බැරි තරම් මොකක්දෝ වේදනාවක් ඇති උනා ..!! ඇයට නිරෝගිමත් වාසනාවන්ත දරුවෙකු මෙලොවට බිහි කරන්න ශක්තිය ලැබේවා ..! (ස)
මෙන්න නියම ගැහැණු (නි)