ඇමරිකාවේ කැලිෆෝර්නියා ප‍්‍රාන්තයේ ප‍්‍රාදේශීය රූපවාහිනී නාළිකාවක ප‍්‍රවෘත්ති විකාශයක් අතරතුරදී ස්තී‍්‍ර දූෂණයක් සම්බන්ධව පැවසුණු පුවතක සැකකරුගේ රුව ලෙස ඇමරිකා ජනපති බැරක් ඔබාමාගේ රුව ප‍්‍රදර්ශනය වුනි.

නිවේදිකාව ‘‘20 හැවිරිදි සැකකරුට එරෙහිව චෝදනා ගොනුකිරීමක් සිදුනොවන ලකුණු පෙනෙනන්ට තිබේ. ඒ සදහා පැහැදිලි සාක්ෂි නැති බව නීතිවේදීන් කියයි‘‘ යනුවෙන් පවසමින් සිටි විට ඇය පසෙකින් ජනපති ඔබාමාගේ රුව දිස්විය.

රූපය තත්ත්පර 5 ක් පමණ කාලයක් ප‍්‍රදර්ශනයව තිබුණි. පුවත් විකාශයේ නිෂ්පාදකයෝ තම වරද වටහාගෙන තිබෙන බවක් පෙනුනේ වහාම විකාශනය අත්හිටුවා වෙනත් වීඩියෝවක් ප‍්‍රදර්ශනය කළ විටය.

මේ සම්බන්ධයෙන් පුවත්පතක් කළ විමසීමකදී වරදක් සිදුව තිබෙන බව එම රූපවාහිනී නාළිකාවේ පාලනාධිකාරිය පිළිගෙන තිබෙන බව සඳහන්ය.

ජනපති ඔබාමා මේ ගැන කිසිත් නොදන්නා සෙයකි. දැනගත්තද තම සරල, විනෝදකාමී පිළිවෙත නිසා ඔහු එය අමතක කර දමනු ඇත.

25B8518400000578-0-image-a-20_1424048557021