හවායි හි ගිනිකඳු නිරීක්ෂණ ආයතනය නිවේදනයකින් දන්වා ඇත්තේ කිලව්වා ගිනි කන්දෙන් පිටවන ලාවා විශාල ප්‍රදේශයක පැතිරී යා හැකි බවයි. හවායි දූපතේ වෙරළාසන්න ප්‍රදේශයේ විශාල කොටසක් අවදානමට ලක්ව ඇති බව ද මේ නිවේදනයේ දැක්වේ.

පසුගිය ජුනි 27දා විවරයකින් පිටවන්නට පටන්ගත් ලාවා පූනේ දිස්ත්‍රික්කයේ සැතපුමක් පමණ දුරට පැතිර ගියේය. හවායි ප්‍රාන්ත පුරපති බිලි කෙනෝයි හදිසි අවදානම් තත්ත්වයක් ප්‍රකාශයට පත්කර ඇත. නගරාධිපතිවරයා පවසන්නේ මෙලෙස හදිසි තත්ත්වයක් ප්‍රකාශයට පත් කළේ ප්‍රදේශවාසීන්ට ඔවුන්ගේ දරු පවුල්, සුරතල් සතුන් හා අත්‍යාවශ්‍ය භාණ්ඩ ඉවත්කරගෙන ආරක්ෂිත ස්ථාන වලට යාම සඳහා බවයි.

අංක 130 දරණ අධිවේගි මාර්ගය හේතුවෙන් පුනේ දිස්ත්‍රික්කය අනෙක් දිස්ත්‍රික්ක වලින් වෙන්ව පිහිටයි.

ඇමෙරිකා භූවිද්‍යා පර්යේෂණ ආයතනය ප්‍රකාශ කර ඇත්තේ ඉදිරි සතියේ දී ලාවා අධිවේගී මාර්ගය හරහා ද ගමන් කරනු ඇති බවයි. ගිනිකන්දට ළඟින්ම පහිටි කඕහේ වඩාත් ම අනාරක්ෂිත ප්‍රදේශයයි.

පසුගිය ජූලි 10 දා දක්වා ලාවා පිටවුණේ දිනකට අඩි 820ක පමණ ධාරිතාවකිනි. දැන් එය අඩි 1600 දක්වා වේගවත් වී ඇත.

අවදානම් කලාපයේ මිනිසුන් 8200 ට වැඩි පිරිසක් ජීවත් වෙති. ලෝකයේ වඩාත් ම ක්‍රියාකාරී ගිනි කඳු අතරින් එකක් ලෙස කිලව්වා ගිනිකන්ද නම් කැර ඇත.