පැයට කිලෝ මීටර 180ට වඩා වැඩි වේගයෙන් හමායන හැලොං සුළි සුළඟ හේතුවෙන් ලක්ෂ දහයකට වැඩි ජනතාවක් ආරක්ෂිත ස්ථානවෙත යවා ඇතැයි විදෙස් මාධ්‍ය වාර්තා කරයි. අද අළුයම ජපානයේ නිරිත දිග දෙසින් රටට ඇතුළු වූ සුළි සුළඟ හේතුවෙන් අකි කොචි ප්‍රදේශයට විශාල බලපෑමක් සිදු වී ඇත. සුළි සුළඟත් සමග මහ වැසි ඇදහැලෙමින් තිබෙන බවත් ඒ හේතුවෙන් ජල ගැලීම් හා නායයාම් ඇතිවිය හැකි බවත් ජපාන කාලගුණ විද්‍යා ආයතනය පවසයි. සුළි සුළඟ රටට ආසන්න වෙමින් පැවතීම හේතුවෙන් ගතවූ පැය 24 දී ගුවන් ගමන් වාර 600ට වැඩි ප්‍රමාණයක් අවලංගු කිරීමට සිදුවූ බව ද උමං දුම්රිය ගණනාවක් ද අත්හිටුවීමට සිදුව ඇතැයි ද ජපන් රජය පවසයි. මීට මාසයකට පෙර ‘නියොගුරු“ සුළි සුළඟින් ජපානයේ දකුණු දිග ප්‍රදේශයට දැඩි හානි සිදුව තිබිණි.

japan weather (2) CORRECTION-JAPAN-WEATHER-TYPHOON japan weather (4)