හිමාලයේ ග්ලැසියර දියවීම නිසා මෙම සියවස අවසානයේ දී ඉන්දියාවේ වෙරළබඩ නගර වන කල්කටා, මුම්බායි, සුරත් සහ චෙන්නායි යන නගර ආශ්‍රිතව මුහුදු මට්ටම ඉහළ යෑමේ දැඩි අවදානමක් ඇතැයි ද උතුරු ඉන්දියාවේ තවත් ප්‍රදේශ රැසකට ජල අර්බුදවලට මුහුණ දීමට සිදුවනු ඇතැයි ද දේශගුණික විපර්යාස පිළිබඳ එක්සත් ජාතීන්ගේ සංවිධානය අනතුරු අඟවයි. 

අන් කිසිදු දිනෙක සිදු නොවූ අයුරින් මුහුදු මට්ටම් ඉහළ යමින් තිබෙන අයිස්  දියවීම් හේතුවෙන් ඉතා වේගයෙන් ඉහළ යන මුහුදු මට්ටම් වසර 2100 වනවිට මීටරයකින් ඉහළ යනු ඇති බවත් දේශගුණික විපර්යාස පිළිබඳ අන්තර් රාජ්‍ය මණ්ඩලය සඳහන් කරයි.
 

මුහුදු මට්ටම් ඉහළ යෑම නිසා ගෝලීය බිලියන 1.4ක ජනතාවකට දරුණු ප්‍රතිවිපාකවලට මුහුණ දීමට සිදුවනු ඇතැයි ද එම මණ්ඩලය විශේෂ වාර්තාව නිකුත් කරමින් අනතුරු අඟවා ඇත. 

එම වාර්තාවට අනුව ඉන්දියාවේ ඉහත කී නගර ඇතුළුව වරාය නගර 45ක් මුහුදු මට්ටම ඉහළ යෑම නිසා ගංවතුරට අවදානමට මුහුණ පා සිටි. සෙන්ටිමීටර 50කින් මුහුදු මට්ටම ඉහළ යෑම වුවද දරුණු ගංවතුර තත්ත්වවලට හේතුවන එම වාර්තාව පෙන්වාදෙයි.
අතීතයේදී සෑම සියවසකටම එක් වරක් මුහුදු මට්ටම දරුණු ලෙස ඉහළ ගිය බවත් මේ සියවසේ මැද සිට එය සෑම වසරකදීම සිදුවනු ඇති බවත් එම වාර්තාවේ සඳහන් වේ. ඒ අනුව කුඩා දූපත් සහ මුහුදු මට්ටමට අඩු හෝ ඊට සමාන හෝ මට්ටමක තිබෙන වෙරළ නගර දැඩි අවදානමකට මුහුණ දෙනු ඇත. 

ගෝලීය උෂ්ණත්වය ඉහළ යෑම නිසා, සාගරවලට උෂණ්තවය ඉහළ යෑම නිසා මුහුදු මට්ටම ඉහළ යන බවත් එම නිසා සාගර ජීවය මරණයට පත්වීමෙන් මුහුදු ආහාර අර්බුදයක් ද නිර්මාණය වනු ඇතැයි එම වාර්තාවේ සඳහන් වේ. 1982 සිට 2016 දක්වා කාලයේදී සාගර මතුපිට අධික ග්‍රීෂ්මය ඇතිවීමේ වේගය දෙගුණ වී ඇතැයි ද වාර්තාවේ සඳහන් වේ. 

පර්යේෂණ වාර්තා 7,000ක් අදාළ කරගනිමින් මෙම විශේෂ වාර්තාව සකසා තිබෙන අතර හිම දියවන වේගය වෙනදාටත් වඩා වී තිබෙන බවත් කලින් දැන සිටි ආකාරයට වඩා වැඩි වේගයකින් මුහුදු මට්ටම ඉහළ යන බවටත් තවදුරටත් අනතුරු අඟවා ඇත.

ටයිම්ස් ඔෆ් ඉන්දියා ඇසුරිනි 

ඡායාරූපය - ඒ.එෆ්.පී

055