කෙන්යාවේ ගරිස්සා විශ්වවිද්‍යාලයට අල් ෂබාබ් සටන්කාමීන් විසින් එල්ලකරන ලද ප්‍රහාරය හේතුවෙන් අවම වශයෙන් 147 දෙනකු මියගොස් ඇතැයි විදෙස් මාධ්‍ය වාර්තා කරයි.

සන්නද්ධව විශ්වවිද්‍යාලයට කඩා වැදුණු සටන්කාමීන් එහි ආරක්ෂකයන් මරා දමා විශ්වවිද්‍යාලයේ සිසුන් වෙත ගොස් ක්‍රිස්තියානි සිසුන් තෝරාගනිමින් වෙඩි තබා ඇතැයි ද සටන්කාමීන් කිහිප දෙනකු මරාගෙන මැරෙන ඇඳුම් කට්ටල පුපුරවාගෙන මියගොස් ඇතැයි ද එරට ආරක්ෂක අංශ වාර්තා කරයි. සිසුන් 500ට වඩා තුවාල ලබා ඇති අතර තුවාල ලැබූ 79 දෙනකු බේරී බලාගොස් ඇත. මාධ්‍ය වාර්තා කරන්නේ එක් තුවක්කුකරුවකු අත්අඩංගුවට ගත් බවයි.