බලය අත්හැරීම ප‍්‍රතික්ෂේප කරන සිරියානු ජනපති බෂීර් අල් අසාද්ගේ රජය පෙරැළීමට සටන් කරන කැරැලිකරුවන්, සෙරීන් නමැති මාරක විස වායු යොදා ගනිමින් ප‍්‍රහාර එල්ල කරන බවට සාක්ෂි ලැබී ඇතැයි එක්සත් ජාතීන්ගේ සංවිධානය පවසයි.
මේ බව ලොවට හෙළි කළේ සිරියාවේ සංචාරයක යෙදුණු එක්සත් ජාතීන්ගේ සංවිධානයේ විශේෂ පරීක්ෂණ කණ්ඩායමකි.
-”අපේ පරීක්ෂකයන් සිරියාවේත් දේශසීමාබද අසල්වැසි රටවලත් සංචාරය කළා. සරණාගතයන් ලෙස සිරියාවෙන් පැමිණි පිරිස් හමුවී සාකච්ඡුා කළා. තුවාලකරුවන් ගැන සොයා බැලූවා. ඔවුන් ඉදිරිපත් කළ වාර්තාවක සඳහන් වෙනවා කැරැුලිකරුවන් විස වායු යොදා ගෙන පහර දීම් කරන බව” යැයි එක්සත් ජාතීන්ගේ විශේෂ නියෝජිත ඩෙල් පොන්ටේ පවසයි.
සෙරීන් විස වායුව අයත් වන්නේ ද රසායනික අවිවලටය. රසායනික අවි යොදා ගනිමින් කැරැුලිකරුවන්ට පහර දෙන බවට චෝදනා එල්ල වී තිබෙන්නේ සිරියානු රජයටය. එය නිමිත්තක් කර ගනිමින්, ඇමෙරිකාව ප‍්‍රමුඛ බටහිර රටවල් සිරියාවට පහර දීමට සූදානම් වෙයි.
සමූල ඝාතන රසායනික අවි භාවිතය එක්සත් ජාතීන්ගේ ප‍්‍රඥප්තියට පටහැනිය. සෙරීන් නමැති විස වායුව සයනයිඞ්වලට වඩා මාරක යැයි විශේෂඥයෝ පෙන්වා දෙති.