IMG-LOGO

2024 අප්‍රේල් මස 14 වන ඉරිදා


සිරියානු අර්බුදය විසඳන්න ජගත් ප‍්‍රජාව එකමුතු විය යුතුයි

දිනෙන් දින උග‍්‍ර වන සිරියානු අර්බුදය විසදීමට නම් ජාත්‍යන්තර ප‍්‍රජාව එකමුතු වී, එකම ස්ථාවරයක සිට කටයුතු කළ යුතු යැයි එක්සත් ජාතීන්ගේ සංවිධානය සිරියාව වෙනුවෙන් පත් කළ නව සාම නියෝජිත ලක්දාර් බ‍්‍රහීමි පවසයි. නව සාම නියෝතවරයා ලෙස, සිරියා අර්බුදය සම්බන්ධයෙන් ඇල්ජීරියානු හිටපු විදේශ ඇමැතිවරයකු ද වන ලක්දාර් බ‍්‍රහීමි සිය අදහස් ප‍්‍රකාශ කළ ප‍්‍රථම අවස්ථාව මෙයයි. ඔහු මේ බව කියා සිටියේ ඊයේ (5) ඇමෙරිකාවේ නිව්යෝක් නුවර එක්සත් ජාතීන්ගේ මූලස්ථානයේදී, එක්සත් ජාතීන්ගේ සාමාජික රටවල් එකසිය අනූ තුනෙහි සාමාජිකයන් අමතමිනි. ”මාස 18 ක් තිස්සේ පවතින සිරියානු අර්බුදය උත්සන්න වෙලා. දිනපතා ඝාතන සිදුවෙනවා. සිවිල් වැසියන් පීඩාවට පත්වෙනවා.” යැයි නව සාම නියෝජිතවරයා එහිදී අවධාරණය කළේය. එක්සත් ජාතීන්ගේ අලූත්ම වාර්තාවල දැක්වෙන්නේ සිරියාවේ ගැටුම්වලින් මේ වනවිට 26,000 ක් ජීවිතක්ෂයට පත්ව ඇති බවය. බ‍්‍රහීම්ගෙන් පසු එක්සත් ජාතීන්ගේ මහ ලේකම් බෑන් කී මූන් ද සිය අදහස් ප‍්‍රකාශ කළේය. ”සිරියා අර්බුදය නිසා ලෝකය බල කඳවුරු දෙකකට බෙදිලා. පිරිසක් කැරැුලිකරුවන්ට සහාය දෙනවා. තවත් පිරිසක් රජයට සහාය වෙනවා. ආයුධ දෙනවා. මෙයින් සිදුවන්නේ අර්බුදය දිග්ගැස්සීමයි. එය වහා නැවැත්විය යුතු වෙනවා” යැයි එක්සත් ජාතීන්ගේ මහ ලේකම්වරයා පැහැදිලි කළේය. සිරියානු සාම නියෝජිතවරයා ලෙස මීට සති කීපයකට පෙර, 78 හැවිරිදි ලක්දාර් බ‍්‍රහීමි නම් කළ අවස්ථාවේදී එක්සත් ජාතීන්ගේ ඇතැම් සාමාජික රටවලින් ඊට විරෝධයක් එල්ල විය. චීනයත් රුසියාවත් ඒ අතර සිටී. එම රටවල් කියා සිටියේ බ‍්‍රහීමි, බටහිර රටවලට පක්ෂව කටයුතු කරනු ඇතැයි කියාය. කෙසේ නමුත් සාම නියෝජිතවරයා ලෙස බ‍්‍රහීමි පත් කිරීම ගැන තමන් සතුටට පත් වන බවත්, බ‍්‍රහීම් සමඟ එක් වී අර්බුදයට විසඳුම් සෙවීමට තමන් කටයුතු කරන බවත්, සිරියානු ජනාධිපති බෂීර් අල් අසාද් පවසා ඇත. සිරියානු විපක්ෂ කණ්ඩායම් සහ කැරැුලිකරුවන් ද බ‍්‍රහීම්ට කැමැත්ත පළ කර ඇතැයි වාර්තා විය. සිරියාවේ නව සාම නියෝජිත ධුරය බ‍්‍රහීම්ට හිමිවූයේ ඒ අනුවය. බ‍්‍රහීම්ට පෙර සාම නියෝජිත ධුරයේ කටයුතු කළේ එක්සත් ජාතීන්ගේ හිටපු මහ ලේකම්වරයකු වන කොෆී අනන්ය. ඔහු ධුරයෙන් ඉල්ලා අස්වූයේ බටහිර රටවලින් සහ එක්සත් ජාතීන්ගේ ආරක්ෂක මණ්ඩලයෙන් බලපෑම් එල්ල වන බවට චෝදනා කරමින්ය. ඇමෙරිකාව ප‍්‍රමුඛ බටහිර රටවලට අවශ්‍ය සිරියානු අර්බුදයට විසඳුම් සෙවීමට නොව, ඔවුන්ට පක්ෂපාතී සහ ඔවුන්ට හිතවත් රජයක් සිරියාවේ පිහිටුවීමට සිරියානු ජනපති අසාද් බලයෙන් නෙරපා දැමීමට යැයි ද අනන් පැවැසීය. අනන්, සිරියාවට සාම සැලැස්මක් සකස් කළේ අරාබි ලීගයේ සහ බටහිර රටවල ද සහාය ඇතිවය. ඉකුත් අපේ‍්‍රල් 12 වැනිදා එම සාම සැලැස්ම කි‍්‍රයාත්මක වුවත් සිරියාවේ ප‍්‍රචණ්ඩ කි‍්‍රයාවල අඩුවක් දක්නට නොලැබිණි. අනන්, සාම නියෝජිත ධුරයෙන් ඉවත් වීම සැලකිල්ලට ගෙන, සිරියාවේ සාම නිරීක්ෂණ කටයුතු වහා අත්හිටුවීමට එක්සත් ජාතීන්ගේ සංවිධානය පසුගිය අගෝස්තු 16 වැනිදා තීරණය කළේය. සිරියා අර්බුදය හේතුවෙන් ලෝකය බල කඳවුරු දෙකකට බෙදී ඇති අතර සිරියානු විපක්ෂ කණ්ඩායම්වලට සහ කැරැලිකරුවන්ට සහාය හිමි වන්නේ ඇමෙරිකාව, ප‍්‍රංශය, බි‍්‍රතාන්‍යය ප‍්‍රමුඛ බටහිර රටවලිනි. බලයෙන් ඉවත් වීම ප‍්‍රතික්ෂේප කරන සිරියානු ජනාධිපති බෂීර් අල් අසාද්ගේ රජයට සහය දෙන්නේ බටහිර විරෝධී චීනය, රුසියාව, ඉරානය යන රටවල්ය. බටහිර රටවලට අවශ්‍ය සිරියා ජනපති බෂීර් අල් අසාද් බලයෙන් නෙරපා දැමීමට කැරැුලිකාර කණ්ඩායම්වලට සහාය දීමට බවත් බටහිර රටවලට පක්ෂපාතී හිතකර පාලනයක් ඇති කිරීමට බවත් චීනය පවසයි. සිරියා අර්බුදයට සාමකාමී විසඳුමක් සෙවීමට බටහිර රටවලට අවශ්‍යතාවක් නැති බව රුසියාව පවසයි. එක්සත් ජාතීන්ගේ ආරක්ෂක මණ්ඩලය සිරියාවට එරෙහිව අවස්ථා තුනක දී යෝජනාවලීන් ඉදිරිපත් කළ අතර, ඒ සෑම අවස්ථාවකදීම චීනය සහ රුසියාව එක් වී නිෂේධ බලය යොදා ඒවා පරාජය කළේය.කොෆී අනන් (වමේ), බෑන් කී මූන් (මැද) සහ ලක්දාර් බ‍්‍රහීමි



අදහස් (0)

සිරියානු අර්බුදය විසඳන්න ජගත් ප‍්‍රජාව එකමුතු විය යුතුයි

සිල්වා පැරිස් Thursday, 06 September 2012 01:15 PM

කොෆි අනන් ඔබ හරි.. අලුත පත්වූ කෙනා ප්‍රංශයේ බලල් අතක්..!!(නු)

:       0       0

ඔබේ අදහස් එවන්න

සයුරෙන් එතෙර

සිඩ්නි ප්‍රහාරකයා හඳුනා ගැනෙයි
2024 අප්‍රේල් මස 14 2195 0

ඕස්ට්‍රේලියාවේ වෙස්ට්ෆීල්ඩ් බොන්ඩි පළාතේ, සුපිරි වෙළෙඳ සංකීර්ණයක් තුළ පිහි ප්‍රහාර එල්ල කරමින් 6 දෙනකු මරා දැමූ ප්‍රහාරකයා 40 හැවිරිදි ජොඑල් කවුචි නමැ


ඉරානයෙන් ඊශ්‍රායලයට ප්‍රබල ප්‍රහාරයක්
2024 අප්‍රේල් මස 14 4324 0

මිසයිල සහ නියමුවන් රහිත ඩ්‍රෝන යොදා ගනිමින්, ඉරානය ඊශ්‍රායලයට ප්‍රහාරයක් එල්ල කළේය. පැය 24 ක් ඇතුළත, ඉරානයෙන් ප්‍රහාරයක් එල්ල වේවි යැයි සීරුවෙන් සිටි ඊ


ජපානයේ ජනගහන අනුපාතය පහළට
2024 අප්‍රේල් මස 13 74 0

ජපානයේ ජනගහන අනුපාතය යළිත් පහත වැටී ඇතැයි විදෙස් මාධ්‍ය පවසයි. පසුගිය වසරට සාපේක්ෂව එය සියයට බින්දුවයි දශම 4යි 8කින් පහත වැටී ඇති බව විදෙස් මාධ්‍ය වැඩි


ඊශ්‍රායලයට පහර දෙන්න ඉරාන මිසයිල් සූදානමින්
2024 අප්‍රේල් මස 13 153 0

ඉරානය, ඊශ්‍රායලය වෙත ප්‍රහාර එල්ල කිරීම සඳහා කෲස් මිසයිල 100 ක් පමණ සූදානම් කරගෙන සිටින බව විදෙස් මාධ්‍ය පවසයි.


සිඩ්නි නුවර පිහි ප්‍රහාරයක්
2024 අප්‍රේල් මස 13 2616 0

ඕස්ටේ්‍රලියාවේ සිඩ්නි නුවර ‘බොන්ඩි බීච්’ වෙරළ තීරය ආසන්නයේ සාප්පු සංකීර්ණයක සිදුවුණු පිහි ප්‍රහාරයකින් හය දෙනෙක් ජීවිතක්ෂයට පත්වූහ.


යන්න හොඳ නැතිම රටක්: පාකිස්තානය
2024 අප්‍රේල් මස 13 180 0

සංචාරය කිරීමට නුසුදුසු අනතුරුදායකම රට ලෙස පාකිස්තානය නම් කිරීමට එක්සත් රාජධානියේ විදේශ, පොදුරාජ්‍ය මණ්ඩලීය සහ සංවර්ධන කාර්යාලය පියවර ගෙන තිබේ.


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 114 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1356 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1310 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site