සෞදි අරාබියේ දමාම් ආසන්නතම ප්‍රදේශයක් වන අනොඋඩ් ජුම්මා පල්ලියේ සිකුරාදා සිදුවූ මරාගෙන මැරෙන බෝම්බ ප්‍රහාරයකින් අඩු ගණනේ හතර දෙනෙක්වත් ජිවිතක්ෂයට පත්වී ඇති බව සෞදි මාධ්‍ය වාර්තා කරයි.

සිකුරාදා (29)දහවල් සලා හෝරාවේදී පල්ලිය වෙත පැමිණි කාන්තාවන් පළදින කළු කබායකින් සැරසී පැමිණි අයකු  පිළිබඳව සැක සිතු සෞදි ආරක්ෂක නිලධාරින් ඔහු ඉවත් කිරීමට සැරසි අවස්ථාවේ මෝටර් රථයට පැමිණි සැකකරු තමා සන්තකයේ තිබු බෝම්බය පුපුරුවා හැර ඇත.

මෙම ප්‍රහාරයෙන් හතර දෙනෙකු ජිවිතක්ෂයට පත්වී ඇති අතර නවතා තිබු වාහන කිහිපයක් විනාශ වී ඇත.මෙම බෝම්බ ප්‍රහාරය එල්ල වීමට දින කිහිපයකට පෙර මෙවැනිම මරාගෙන මැරෙන බෝම්බ ප්‍රහාරයකින් දමාම් ආසන්නයේ ඇති කතිෆ් ප්‍රදේශයේ 21 දෙනෙකුට මිය ගිය අතර සියයකට අධික පිරිසක් බරපතල තුවාල සහිතව රෝහල් ගතකර ඇත.

කෙසේ වුවද එළඹෙන රාමසාන් මාසයේ ඇති වියහැකි අවදානම් තත්වයන්ට මුහුණදීම සදහා සෞදි ආරක්ෂක අංශ විශාල ආරක්ෂක වැඩපිළිවෙලක් යොදනු ඇති බව මාධ්‍ය වාර්තා කරයි.