කැරලිකරුවන් ග‍්‍රහණයේ පවතින ප‍්‍රදේශ ඉලක්ක කර සිරියා හමුදා ගුවන් ප‍්‍රහාර වලින් සිය දෙනකු මරුමුවට පත්වී නිවාස රැසක් වැනසී ඇත. මාස 19 ක  පුරා ජනපති බෂීර් අල් අසාඩ් ගේ  හමුදා හා සිරියා කැරලිකරුවන් අතර ඇතිවන ගැටුම් අතරතුරදී එල්ල වූ භීෂණකාරීම ගුවන් ප‍්‍රහාර මාලාව මෙය යි. ගුවන් ප‍්‍රහාර එල්ල වන්නේ ඇලෙප්පෝ හා ඉබ්ලිබ් ප‍්‍රාන්ත වලට හා ඩැමස්කස් අගනුවර ඇතැම් ප‍්‍රදේශවලටය. සිරියා හමුදාව දැන් දැන් ගුවන් ප‍්‍රහාර මත විශ්වාසය තබා කටයුතු කරන සෙයක් පෙනෙන බව එරට සිටින මානව හිමිකම් ක‍්‍රියාකාරීහු පවසති.කැරලිකරුවන් සමග මුහුණට මුහුණලා කරන ගැටුම් වලට වඩා ගුවන් ප‍්‍රහාර එල්ල කිරීම ඵලදායක බව සිරියා හමුදාවන්ගේ අවධානයට ලක්ව ඇතැයි ඔවුහු කියති. එක්සත් ජාතීන්ගේ විශේෂ සාම දුතයා වන ලක්ඩාර් බ‍්‍රහීම් දෙපාර්ශවයෙන්ම කළ ඉල්ලීමක් අනුව ඇතිකරගත් දින හතරක සටන් විරාමය අවසන වූයේ ඊයේ (29) දිනදීය.නමුත් එකග වූ පරිදි දෙපාර්ශවය අතර පැවැතුණු සටන් විරාමයක් නැත.ගතවූ දින හතරේදි දෙපාර්ශවය අතර ඇතිවූ ගැටුම් වලින් පමණක් මිය ගිය සංඛ්‍යාව 500 ඉක්මවන බව සිරියාවේ ක‍්‍රියාත්මක මානව හිමිකම් සුරැකීමේ සංවිධාන කියයි. (කො.වි)