IMG-LOGO

2025 ඔක්තෝබර් මස 20 වන සඳුදා


සාකච්ඡා අසාර්ථක වුණොත් පෙබරවාරි 15 ට පසු නැවතත් අර්බුදයක්

දේශසීමා ආරක්ෂාව පිළිබඳව ඉදිරියේදී පැවැත්වීමට නියමිත සාකච්ඡාවල ප්‍රතිඵල සම්බන්ධයෙන් සෑහීමකට පත්වීමට නොහැකි වුවහොත් පෙබරවාරි 15 දායින් පසු නැවත වරක් අර්බුදකාරී තත්ත්වයක් උද්ගත වනු ඇතැයි ඇමෙරිකා එක්සත් ජනපද ජනාධිපති ඩොනල්ඞ් ට්‍රම්ප් මහතා පැවැසීය. 
 
 අකර්මන්‍ය වී තිබෙන රජයේ කටයුතු නැවත ආරම්භ කිරීමට පියවර ගනිමින් ජනාධිපති ඩොනල්ඞ් ට්‍රම්ප් ඒ බව ප්‍රකාශ කළේය. 
 
 කොටස් දෙකකින් සමන්විත කොංග්‍රසයේ සෙනට් සභාවේ බහුතරය ඇත්තේ රිපබ්ලිකන් පක්ෂය සතුවය.
 
නියෝජිත මන්ත්‍රී මණ්ඩලයේ බහුතරය හිමිව ඇත්තේ ඩිමොක්‍රටික් පක්ෂයටය. මේ අනුව අර්බුදය නිමා කරමින් සති තුනකට මුදල් වෙන් කෙරෙන පනත් කෙටුම්පතක් සෙනට් සභාවේදී සහ නියෝජිත මන්ත්‍රී මණ්ඩලයේදී සම්මත වූ අතර ජනාධිපති ඩොනල්ඞ් ට්‍රම්ප් මහතා ඊට අත්සන් කිරීමට නියමිතය. 
 
එම සති තුනක කාලයේදී ඇමෙරිකා එක්සත් ජනපදය සහ මෙක්සිකෝව අතර දේශසීමාවේ ආරක්ෂාව සම්බන්ධයෙන් සාකච්ඡා පැවැත්වීමට නියමිතය. 
 
ඇමෙරිකා එක්සත් ජනපදය සහ මෙක්සිකෝව අතර දේශසීමාවේ තාප්පයක් ඉදි කිරීම සඳහා මුදල් ලබා නොදීම  නිසා ඇමෙරිකා රජයේ කටයුතුවලින් අඩකට ආසන්න ප්‍රමාණයක් අකර්මනය විය.
 
 රාජ්‍ය සේවකයෝ 800,000කට වැඩි පිරිසක් වැටුප් නොලබා ඔවුන්ගේ රාජකාරීවල නිරත වූහ.  


 එම අර්බුදය දින 35කට වැඩි කාලයක් මුළුල්ලේ පැවැති අතර බොහෝ පිරිසකගෙන් එල්ල වූ පීඩනය හමුවේ අඩියක් පිටුපසට ගනිමින් අකර්මන්‍ය වී තිබූ රජයේ කටයුතු නැවත ආරම්භ කිරීම සඳහා ප්‍රතිපාදන වෙන් කිරීමට ජනාධිපති ඩොනල්ඞ් ට්‍රම්ප් පියවර ගත්තේය. 
 
 පසුගිය දෙසැම්බර් මාසයේදී මේ වසර සඳහ මුදල් වෙන් කෙරෙන පනත් කෙටුම්පත් නියෝජිත මන්ත්‍රී මණ්ඩලයට ඉදිරිපත් කෙරුණි. ඇමෙරිකාව සහ මෙක්සිකෝව අතර දේශසීමාවේ තාප්පය ඉදි කිරීමට එක්සත් ජනපද ඩොලර් බිලියන 5.7ක මුදලක් වෙන් කරන්නැයි ට්‍රම්ප් ඉල්ලා සිටියේය.
 
 එහෙත් ඩිමොක්‍රටික් පක්ෂය එම ඉල්ලීම ප්‍රතික්ෂේප කළේය. ඊට ප්‍රතිචාර ලෙස අදාළ පනත් කෙටුම්පත්වලට තමන් අත්සන් නොකරන බව ජනාධිපතිවරයා ප්‍රකාශ කළේය. පසුගිය වසරේ දෙසැම්බර්
 
 මාසය සහ මේ වසර සඳහ මුදල් වෙන් නොකිරීමත් සමඟ රජයේ කටයුතුවලින් අඩකට ආසන්න සංඛ්‍යාවක් අකර්මන්‍ය විය. 
 
 මේ අනුව දේශසීමා ආරක්ෂාව පිළිබඳව සාකච්ඡා කිරීමට ඇමෙරිකා එක්සත් ජනපද කොංග්‍රසයේ කොටස් දෙක වන නියෝජිත මන්ත්‍රී මණ්ඩලය සහ සෙනට් සභාව නියෝජනය වන පරිදි කමිටුවක් පත් කර තිබේ.
 
 එම සාකච්ඡා අසාර්ථක වුවහොත් ඇති වී තිබූ අර්බුදය නැවත වරක් ඇතිවනු ඇතැයි ද ට්‍රම්ප් කීවේය. එම සාකච්ඡා අසාර්ථක වුවහොත් කොංග්‍රසයේ අනුමැතිය නොමැතිව තාප්පයට මුදල් වෙන් කිරීම සඳහා ජාතික හදිසි තත්ත්වයක් ප්‍රකාශයට පත් කරන බව ද ට්‍රම්ප් පැවැසීය.
 
ජනාධිපති ඩොනල්ඞ් ට්‍රම්ප් අඩියක් පසුපසට ගනිමින් සාකච්ඡාවලට ඉඩ සලසා අකර්මන්‍ය වී තිබූ රජයේ කටයුතු නැවත ආරම්භ කිරීමට ප්‍රතිපාදන වෙන් කිරීමට තීරණය ඩිමොක්‍රටික් පක්ෂය ලැබූ ජයග්‍රහණයක් යැයි දේශපාලන විචාරකයෝ පෙන්වාදෙති. 
 
 
රොයිටර් ඇසුරිනි
 
055



අදහස් (0)

සාකච්ඡා අසාර්ථක වුණොත් පෙබරවාරි 15 ට පසු නැවතත් අර්බුදයක්

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි 2025 ඔක්තෝබර් මස 08 1051 0
ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ 2025 ඔක්තෝබර් මස 01 1084 0
මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට

ජනසතු සේවා සත් සාමාජික පාපන්දු ශූරතාවය ශ‍්‍රී ලංකා ඉන්ෂුවරන්ස් දිනාගනී. 2025 සැප්තැම්බර් මස 23 419 0
ජනසතු සේවා සත් සාමාජික පාපන්දු ශූරතාවය ශ‍්‍රී ලංකා ඉන්ෂුවරන්ස් දිනාගනී.

ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන

Our Group Site