නයිජීරියාවේ ජනාධිපතිවරණයෙන් එරට විපක්ෂනායක මුහම්මදු බුහාරි ජයගත් බව විදෙස් මාධ්‍ය වාර්තා කරයි. කලකට ඉහත හමුදා පාලනයක් ගෙන ගිය බුහාරි වැඩි ඡන්ද ලක්ෂ 20ක් පමණ හිමිකැරගැනීමට සමත්වූයේය.

නයිජීරියා ඉතිහාසයේ විපක්ෂය ජනාධිපතිවරණයක් ජයගත් ප්‍රථම අවස්ථාව මෙයයි. එරට රාජ්‍ය නායකයාව සිටි ගුඩ්ලක් ජොනතන් බුහාරි නව රාජ්‍ය නායකයාට දුරකථනයෙන් සුබ පතමින් තම ධූරයෙන් ඉවත්ව ගොස් සිටියි. මැතිවරණය සම්බන්ධයෙන් චෝදනා රැසක් ඇතත් මැතිවරණ නිරීක්ෂකයන් මැතිවරණය සම්බන්ධයෙන් ප්‍රශංසා කැර ඇතැයි ද විදෙස් මාධ්‍ය සඳහන් කරයි.

නයිජිරියාවේ උතුරු කොටසේ නගර වන කැනෝ සහ කඩුනා වලද බුහාරිගේ ආධාරකරුවෝ විදි බැස නටමින් ගයමින් තම නායකයාගේ ජයග්‍රහණය පිළිබඳ සතුට පලකළහ.

ඉස්ලාම් බොකෝහරාම් කැරළිකරුවන් විසින් නයිජිරියාවට එල්ල වු ප්‍රහාර හේතුවෙන් දහස් ගණනක් මියගියහ. බොකෝහරාම් කැරළිකරුවන් පරාජය කිරීමට නව ජනාධිපතිවරයාට හැකියාව ඇතැයි එරට වැසියන් අතර දැඩි විශ්වාසයක් ඇති බැවින් මැතිවරණය ඔහු ජයගත් බව දේශපාලන විචාරකයෝ කියති.