හොන්ඩ්‍යුරාස් රාජ්‍යයේ අත්ලාන්තික් වරාය නගරය වන ටෙලාහි බන්ධනාගාරයක සිදවූ වෙඩි තැබීමකින් රැඳවියන් තිදෙනකු මියගොස් ඇතැයි එරට ආරක්ෂක අංශ පවසයි.

කණ්ඩායම් දෙකක් අතර ඇතිවූ ආරවුලක් හේතුවෙන් මෙම මරණ සිදුව ඇති බව පොලිස් නිලධාරියෙකු පවසා ඇත.

කෙසේවුවද හොන්ඩ්‍යුරාස් පුවත්පත් වාර්තා කර ඇත්තේ බන්ධනාගාරය තුළ හතරදෙනකු මියගොස් ඇති බවත් එම සංඛ්‍යාව ඉහළ යා හැකි බවත්ය.

මෑත කාලයේ බන්ධනාගාර තුළ උත්සන්න වෙමින් පැවති ප්‍රචණ්ඩත්වය මැඩපැවැත්වීම සඳහා රජය විසින් එහි පාලනය ආරක්ෂක අංශ වෙත මාරු කළ අතර බන්ධනාගාර පද්ධතිය තුළ හදිසි තත්ත්වයක් ද ප්‍රකාශයට පත්කළේය.

මාරාස් ලෙස හැඳින්වෙන වීදි කල්ලි විසින් බන්ධනාගාර තුළ කලබල ඇති කරන බව මාධ්‍ය සඳහන් කර තිබේ.

(රොයිටර් පුවත් ඇසුරිණි - 085)