රුසියාවේ මොස්කව් නුවර පිහිටි මානසික රෝහලක ඊයේ(26) අලූයම් කාලයේ හටගත් ගින්නකින් පුද්ගලයන් 38 දෙනෙක් ජීවිතක්ෂයට පත් වූහ.
ගින්නට බිලි වී මියගිය පුද්ගලයන්ගෙන් වැඩිදෙනෙක් මානසික රෝගීහුය. ඒ අතර වෛද්‍ය සේවකයන් දෙදෙනකු ද සිටින බව මොස්කව් පොලිසිය පවසයි. සිද්ධියෙන් තිදෙනෙක් දිවි ගලවා ගත්හ.
මොස්කව් නුවරට යාබදව පිහිටි රැුමෙන්ස්කි නගරයේ පිහිටි මානසික රෝහලක මෙම ගින්න හට ගෙන තිබේ. අනතුර සිදුවන අවස්ථාවේ 41 දෙනෙක් රෝහල් පරිශ‍්‍රය තුළ සිටියහ.
රෝහල් ගොඩනැගිල්ලක වහළයේ විදුලි කාන්දුවක් නිසා ගින්න හටගෙන ඇත. ඉන් පසුව ගින්න ශීඝ‍්‍රයෙන් රෝහල් ගොඩනැගිලිවලට පැතිරී ගියේය. ගින්නට හසුවූ එක් ගොඩනැගිල්ලක් සම්පූර්ණයෙන්ම දැවයෙන් ඉදි කළ ගොඩනැගිල්ලක් බව රෝහලේ වෛද්‍යවරයෙක් කීය.
සිද්ධිය සැල වූ වහාම ගිනිනිවන භටයෝ රෝහල් භූමිය වෙත පැමිණ ගින්නට කොටුවී සිටි රෝගීන් හා රෝහල් සේවකයන් බේරා ගැනීමට යුහුසුලූ වූහ. ගින්න මුළුමනින්ම නිවාදැමීම සඳහා ගිනිනිවන භටයන් සියයකට ආසන්න පිරිසක් යෙද වූ බව මොස්කව් බලධාරියෙක් පැවැසීය.
මත්කුඩු හා මත්පැන්වලට ඇබ්බැහි වී රෝගාතුර වූවෝ මානසික රෝහලේ ප‍්‍රතිකාර ලබමින් සිටියහ. සිද්ධිය සම්බන්ධයෙන් පුළුල් පරීක්ෂණයක් ආරම්භ කර ඇතැයි මොස්කව් පොලිසිය පවසයි.

ගිනිනිවන භටයන් ගින්න පාලනය කළ පසු.....