ඊසාන දිග එංගලන්තයේ පිහිටි නොදම්බර්ලන්ඩ් රෝම බලකොටුවේ හැඩ්රියන්ස් වෝල් නම් ස්ථානයක තිබී වසර 2000ක් පමණ පැරණි දැවමය වැසිකිළි ආසනයක් සොයාගැනීමට පුරාවිද්යාඥයන් පිරිසක් සමත්ව සිටිති. ඔවුන් පවසන්නේ මෙය සම්පූර්ණයෙන් ම සුරක්ෂිතව තිබූ බවයි.
එතැන කැණීම් සිදුකරද්දී රෝම හමුදාව භාවිතා කළායැයි සිතිය හැකි රන් හා රිදී කාසි කිහිපක් ද හමුවී ඇත. තවත් මෙවළම් කිහිපයක් ද හමුවී ඇත.
මේ වැසිකිළි ආසනය මඩ ගොහොරු සහිත කාණුවක තිබී හමුවූ බවත් ඒ කාණුව මුළුමනින්ම කැළි කසළ වලින් පිරී තිබුණු බවත් පුරාවිද්යාඥයෝ කියති. කැණීම් කණ්ඩායමේ ප්රධානියා අාචාර්ය ඇන්ඩෘෘ බර්ලි මෙසේ කියයි.
‘‘අප පසුගිය කාලයේ සිදුකළ කැණීම්වලින් රෝමානු වැසිකිළි සම්බන්ධව තොරතුරු රැසක් සොයාගෙන තිබෙනවා. ඒ අතර ගල් හා මාබල්වලින් සෑදූ වැසිකිළි ආසනත් තිබෙනවා. එසේ වුවත් මෙවැනි දැවමය වැසිකිළි ආසනයක් දක්නට ලැබුණු මුල්ම අවස්ථාව මෙයයි.“
ආචාර්ය බර්ලි පවසන්නේ එය ඉතා සැපපහසු වැසිකිළි ආසනයක් බවයි. එසේ ම එය විශිෂ්ඨ නිර්මාණයක් බවත් ඔහු පවසයි. වැසිකිළි ආසනය සොයාගත්ත ද මෙතෙක් වැසිකිළිය හමු නොවූ බැවින් ඒ වැසිකිළිය සොයා ගැනීමට කැණීම් සිදුකරන බව ද හෙතෙම වැඩිදුරටත් කියා ඇත. පුරාවිද්යාඥයන් පවසන්නේ රෝමානුවන්ගේ වැසිකිළි පද්ධතිවල ද විශ්මයජනක මෙවලම් තිබෙන බවයි. 
COMMENTS
අනේ බලන්න ඕකෙන්වත් දෙමල නිජබිමක් හොයාගන්න පුලුවන්ද කියලා... තමිල්නාඩුවේ අයගෙන් අපට කනක් ඇහිලා ඉන්න..(අ)
හරි ලොකු වැඩක් මේක නම් (නි)
ඔයිට වඩා විස්මිත පැරණි කළුගල් වැසිකිලි දෙකක් අන්න තියෙනවා කළු දිය පොකුණ ළඟ. අපේ රහතන් වහන්සේලා පාවිච්චි කරපු (නදී)
මීටත් වඩා පැරණි වැසිකිළි නටඹුන් අපේ ලංකාවේ මේ මෑතකදී සොයාගත්තා නේද? (නි)
සේරුවවිලගේ කතාවනම් ඇත්ත. හැබැයි ඕක තමිල්නාඩුවේ අයට විතරක් නෙවෙයි අපේ රටේ යාපනේ සමහර දමිල ජාතිකයන් අතර තාමත් තියෙනවා. යාපනේ බොහොමයක් දමිල පාසල් වල සිගිරිය නිර්මාණය කල රජුගේ නම විදියට උගන්වන්නේ කාශ්යප රජු කියල නෙමෙයි කාස අප්පා කියල. එහෙම කරන්නේ මෙය අතීතයේ පටන් දමිල නිජබිමක් යන මතය ඔවුන්ගේ නුතන ළමා පරපුර තුල ඇතිකරවිමටයි (අ)