IMG-LOGO

2024 මැයි මස 27 වන සඳුදා


යුද උණුසුමෙන් රත්වෙන සීතල කාශ්මීරය

අසාමාන්‍ය හිම පතනයෙන් එදිනෙදා ජන ජීවිතය අවුලට පත් කාශ්මීර් නිම්නය නැවත වරක් දකුණු ආසියාවේ උණුසුම් පුවත් මවන ස්ථානයක් බවට පත් වූයේ ජනවාරි 9 වැනිදා පාලන රේඛාව නමින් හැඳින්වෙන පාකිස්ථානය හා ඉන්දියානු පාලනය යටතේ පවතින කාශ්මීරය වෙන් කරන සීමාවේ හටගත් වෙඩි හුවමාරුවකින් පාකිස්තානු භටයෙක් මිය යෑමෙනි. ඉන් දින තුනකට පසු ඉන්දියානු හමුදා භටයින් දෙදෙනෙක් පාකිස්තානු වෙඩි ප‍්‍රහාරවලින් මියගියහ. මෙම සිද්ධිය වඩාත් ප‍්‍රසිද්ධියට පත් වූයේ එම හමුදා භටයින්ගේ මළ සිරුරුවලින් ඔවුන්ට වද හිංසා පමුණුවා ඇති බව පෙනෙන්නේයැයි ඉන්දියානු හමුදාව චෝදනා කිරීමත් සමගය. වෙඩි හුවමාරුවකදී හමුදා භටයින් මිය යෑම සාමාන්‍ය තත්ත්වයක් යටතේ පිළිගත හැකි වුවද වද හිංසා පැමිණවීම කිසිසේත් ඉවසිය නොහැකි තත්ත්වයකි.

මන් මෝහන් සිංග්

එම නිසා ඉන්දියානු ගුවන් හමුදා ප‍්‍රධානි එන්.ඒ.කේ. බ‍්‍රවුනි ප‍්‍රකාශයක් කරමින් පාලන රේඛා ප‍්‍රදේශයේ සාමය පවත්වා ගැනීම සඳහා වෙනත් ක‍්‍රියාමාර්ග ගැනීමේ අයිතියක් තමන්ට ඇතැයි පැවසුවේය. හමුදා ප‍්‍රධානි ජනරාල් බික‍්‍රාම් සිංග් ප‍්‍රතිප‍්‍රහාර එල්ල කිරීමේ අයිතිය අවධාරණය කළේය. එම ප‍්‍රකාශ දෙකින්ම පැහැදිලි වූයේ කාශ්මීරය සම්බන්ධයෙන් නැවත වරක් මෙම න්‍යෂ්ඨික බලවතුන් දෙදෙනා අතර යුද්ධයක් හට ගැනීමේ අනතුර වෙන කවදාටත් වඩා වැඩිය යන්නයි.


හමුදා ප‍්‍රධානීන් අතර වාග් ප‍්‍රහාර උත්සන්න වෙත්ම දේශපාලන නායකයින් ප‍්‍රතිචාර දැක්වූයේ ඊට නොදෙවැනි ආකාරයෙනි. හින්දුත්ව සංකල්පය මුල් කර ගන්නා භාරතීය ජනතා පක්ෂය මුස්ලිම් පාකිස්තානයට නිසි පාඩමක් ඉගැන්වීමට පසුබටවීම ගැන කොංග‍්‍රස් රජයට චෝදනා කරමින් එය ඉදිරියේ එළඹෙන මහා මැතිවරණය සඳහා හොඳ පිවිසුමක් කර ගන්නා බව පැහැදිලිවම දක්නට ලැබිණ. මෙවැනි ගැටුම්කාරී තත්ත්ව තුළ සන්සුන් ක‍්‍රියාමාර්ගයක් ගැනීමට සමත් අගමැති මන්මෝහන් සිංග් ප‍්‍රතිචාර දැක්වූයේ ද යුද්ධය හැර වෙනත් විකල්පයක් නැතිසේය. ජනවාරි 15 වැනිදා ප‍්‍රකාශයක් කළ අගමැති මන්මෝහන් සිංග් පාකිස්තානය සමග නැවත වරක් සුපුරුදු පරිදි ගනුදෙනු සිදු නොවනු ඇතැයි සහතික වූයේය. ඒ බව සනාථ කරමින් ඉන්දියාවෙ හොකි ක‍්‍රීඩා සමාජයක කොන්ත‍්‍රාත් පදනම යටතේ ක‍්‍රීඩා කිරීමට පැමිණි

සර්දාරි

පාකිස්තානු හොකි ක‍්‍රීඩකයින් ආපසු හරවා යවන ලදී. පාලන රේඛාව හරහා දෙපාර්ශ්වය අතර නැවත වරක් වෙඩි හුවමාරුවීම ද වාර්තා විය. පාකිස්තාන විදේශ ඇමතිනි හිනා බේනා වොර් උද්ගත වී ඇති තත්ත්වය ගැන ඉහළ මට්ටමේ සාකච්ඡුා පැවැත්වීමට ජනවාරි 9 වැනිදා කළ යෝජනාව ඉන්දියානු රජයේ සැලකිල්ලට යොමු වූයේ නැත. පාකිස්තානු රජයේ යෝජනාව ඉන්දියානු රජය සම්පූර්ණයෙන්ම ප‍්‍රතික්ෂේප කළේ උද්ගතවී ඇති තත්ත්වය ගැන පරීක්ෂා කිරීමට එක්සත් ජාතීන්ගේ කමිටුවක් පිහිටුවිය යුතු යැයි ඉල්ලා සිටි හෙයිනි.


ඉන්දියානු රජය වඩාත් බරපතළ තත්ත්වයකට සූදානම් බවට ඉඟියක් වූයේ ජනවාරි 21 වැනිදා කාශ්මීරයේ පළවන පුවත්පතක න්‍යෂ්ඨික ප‍්‍රහාරයකදී ගත යුතු ආරක්ෂක පියවර ගැන ජනතාව දැනුවත් කිරීමට පළ කළ ලිපියකිනි. කාශ්මීරයේ පොලිසිය යටතේ ක‍්‍රියාත්මක වන සිවිල් ආරක්ෂක අංශයේ ප‍්‍රධානි මුබාරක් ගානි නිකුත් කර ඇති ලිපියෙන් න්‍යෂ්ඨික ප‍්‍රහාරයකදී ආරක්ෂා වීම සඳහා කාශ්මීර වැසියන්ට භූගත බංකර් තනා ගැනීමට උපදෙස් දී තිබිණ. භූගතව ඉදිකෙරෙන එම බංකර්වල අඩුම වශයෙන් සති දෙකක් සඳහා ප‍්‍රමාණවත් ආහාර තොග ගබඩා කරගත යුතු අතර එහි වැසිකිළි පහසුකම් ද තිබිය යුතුය. එම ලිපියේ මාතෘකාව වූයේ න්‍යෂ්ඨික ජීව විද්‍යාත්මක හා සොයන අවි ප‍්‍රහාරයකින් ආරක්ෂාවීම යනුවෙනි. මෙම ලිපිය පළවීමත් සමග ඇතිවූ ආන්දෝලනය නිසා උපදෙස් නිකුත් කළේ සාමාන්‍යයෙන් ජනතාවගේ දැනුම සඳහා විනා න්‍යෂ්ඨික ප‍්‍රහාරයක් පිළිබඳ ආසන්න අනතුරක් පැවතීම නිසා නොවේ යැයි ඉන්දියානු රජය අවධාරණය කළ ද තත්ත්වය ඊට වඩා බරපතළ විය හැකි බව සමහර නිරීක්ෂකයෝ පෙන්වා දෙති. ඊට මූලික හේතුව වන්නේ කාශ්මීර ගැටලූව විසඳා ගැනීමට මෙතෙක් ගත් සියලූ පියවර නොසිතූ ආකාරයෙන් ව්‍යාර්ථ වීමෙනි.

ඉන්දියාවේ සිටින පකිස්තාන මහ කොමසාරිස්


පාකිස්තානු හමුදා පාලක පර්වේස් මුසාරෆ් යෝජනා කළ විසඳුම් බොහෝ නිරීක්ෂකයින් සඳහන් කරන ආකාරයට ගැටලූවට පිළිගත හැකි විසඳුමක් සඳහා හොඳ පිවිසුමකි. එම යෝජනාව අනුව කාශ්මීරය ඉන්දියාවෙන් වෙන් වීමක් අපේක්ෂා කරන්නේ නැත. එමෙන්ම දැනට මත භේදයට තුඩු දී ඇති පාලන රේඛා (Line of control) ස්ථීර දේශ සීමා ලෙස පිළිගත යුතු නැත. වැදගත්ම කරුණ වන්නේ භූමි ප‍්‍රදේශයේ ආරක්ෂාව සහතික කරමින් කාශ්මීරයට ස්වයං පාලනයක් ලබා දීමය. මෙම යෝජනා ඉදිරිපත් වීමත් සමග පාකිස්තානයේ හා ඉන්දියාවේ සිදු වූ දේශපාලන වෙනස්කම් නිසා ඒවා යටපත් වුවද පාකිස්තානයට හා ඉන්දියාව අතර පවතින මතභේද විසඳා ගැනීමට හොඳ පදනමක් විය හැකිව තිබිණ. දැනට දෙරට අතර සම්බන්ධතා යථා තත්ත්වයට පත් කිරීමට මූලික බාධකය වන්නේ කාශ්මීරයයි. එය නොසලකා දෙරට අතර ආර්ථික හා වානිජ සම්බන්ධතා අති කර ගැනීමටත් සීමා කිරීම්වලින් තොර සමාජ සම්බන්ධතා පවත්වා ගැනීමටත් ඉන්දියාව යෝජනා කළ ද  ඕනෑම අවස්ථාවක ඒවා පහසුවෙන්ම බිඳ වැටෙන බව පසුගියදා වූ සිද්ධියෙන් තහවුරු වේ. ඒ එහි වඩාත්ම භයානක තත්ත්වය වන්නේ සාමාන්‍ය අවි ගැටුමක් න්‍යෂ්ඨික ප‍්‍රහාරයක් දක්වා ව්‍යාප්ත වීමේ සැබෑ අනතුරක් පැවතීමය. අඩුම වශයෙන් දෙරට අතර ඇති වන ගැටුවකදී න්‍යෂ්ඨික අවි යොදා නොගන්නා බවට සහතිකයක් ද නැත.


ජනවාරි මාසයේ මුල දෙසතිය තුළ පාලන රේඛාව හරහා පැවති වෙඩි හුවමාරු ක‍්‍රමයෙන් නතර වීම නිසා අවි ගැටුමකට ආසන්න

ඉන්දීය හමුදා ප‍්‍රධානී ජනරාල් බික‍්‍රාමි සිංග්

අනතුර පහව ගිය නමුත් කුමන මොහොතක හෝ පාලනය කළ නොහැකි අනතුරක් හට ගැනීමේ අවදානම නොනැසී පවතී. එහි මෙවර වඩාත් කැපී පෙනෙන තත්ත්වයක් වූයේ දේශපාලන නායකත්වයට අමතරව දෙරටේ හමුදා නායකත්වය ද වාග් ප‍්‍රහාරයට එක් වීමෙනි. කාශ්මීර ප‍්‍රශ්නය දෙරටේම අභ්‍යන්තර දේශපාලනයේ ප‍්‍රබල සාධකයක් වන නිසා සම්මුතියකයට පැමිණීමට නොසැලෙන දේශපාලන දැක්මක් හා නායකත්වයක් අවශ්‍යය. 


අවාසනාවකට මෙන් එය ඉන්දියාවේ හා පාකිස්තානයේ දේශපාලනයේ දුබල ගුණාංගයකි. කෙසේ වුවත් වැරදි තීරණ හා වැරදි ක‍්‍රියාමාර්ග නිසා සිදුවිය හැකි විනාශය පෙරට වඩා බෙහෙවින් වැඩි බව පැහැදිලිය.

 

සටහන: මහින්ද හත්තක

 

 

ඉන්දීය ප‍්‍රහාරයෙන් මියගිය පුද්ලයන්ට ගෞරවාචාරය පුදකරන අවස්ථාව.

 

ඉන්දියානු දේශසීමා ආරක්ෂණ හමුදාව

 



අදහස් (0)

යුද උණුසුමෙන් රත්වෙන සීතල කාශ්මීරය

ප්‍රසන්න Sunday, 03 February 2013 11:52 AM

ලංකාවට එරහිව ඇමරිකාව ගෙනාපු යෝජනාවට පක්ෂය ඡන්දය දුන් එක දැන් ඉන්දියාවට සාපයක් වෙලා. ඉදිරියෙදි නැවතත් ලංකාවට එරෙහිව ඇමරිකාවට උදවි කලොත් මෙම තත්වය තවත් වැඩිවෙයි.(නදී)

:       0       0

නිත්‍යා Saturday, 02 February 2013 03:33 PM

යුද්ධය කියන වචනයවත් අහන්න අපිනම් දැන් කැමති නෑ (ස)

:       0       0

ලාල් Friday, 01 February 2013 07:23 PM

මම ඉන්දියාව සමගයි. (නි)

:       0       0

නුස්රත් Saturday, 02 February 2013 11:23 AM

සියළු ජනතාවට සාමයෙන් සහජීවනයෙන් ජීවත්වෙන්නයි අවශ්‍ය(නදී)

:       0       0

ගාමිණි Friday, 01 February 2013 01:21 PM

ලෝකේ පුරා යුද්ධය

:       0       0

චූලා Friday, 01 February 2013 02:16 PM

අපේ යුද්ධයේදි අපට උදව් කලේ පාකිස්ථානය . කකුලෙන් ඇද්දේ ඉන්දියාව... අපි පාකිස්තානයට (ස)

:       0       0

සුනිල් Sunday, 03 February 2013 09:25 AM

ආගම්වාදී ආසියාතිකයෝ යුද්ධ කරද්දී ආගමි නැති සුද්දෝ අවි විකුනා සල්ලි ගරති.(නදී)

:       0       0

ලක්ෂිත Friday, 01 February 2013 03:42 PM

ලෝකේ හැම රටකම මොකක් හරි ප්‍රශ්නයක් (දී)

:       0       0

මුතුකුඩ Saturday, 02 February 2013 01:13 AM

චුලා, ඔයා පකිස්ථානයට වුණාට මේ දෙපල අතර යුද්ධයක් ඇතිවුණොත් එය තදින්ම බලපාන්නේ අපිට බව අමතක කරන්න එපා. ලක් මෑණී තමයි අසරණ වෙන්නේ. (නි)

:       0       0

ඔබේ අදහස් එවන්න

සයුරෙන් එතෙර

ඉරාන ජනපතිවරණය ජූනි 28 වැනිදා
2024 මැයි මස 27 44 0

ජනාධිපති ඊබ්‍රහීම් රයිස් අභාවයෙන් පසු, නව ජනාධිපතිවරයකු තෝරා ගැනීමට හදිසි ජනාධිපතිවරණයක් පැවැත්වෙන බව, ඉරාන අන්තර්වාර ජනාධිපති ලෙස කටයුතු කරන අහ්මද


ඊශ්‍රායල ප්‍රහාරයෙන් 35 ක් මරුට
2024 මැයි මස 27 47 0

ඊශ්‍රායල ගුවන් හමුදාව ගාසා තීරයේ, රෆා නුවරට නුදුරින් රෆා පළාතේ ස්ථාන කීපයකට ගුවන් ප්‍රහාර එල්ල කළේය.


‘රෙමාල්’ 8 ක් බිලි ගනී
2024 මැයි මස 27 49 0

පැයට කිලෝ මීටර් 135 ක වේගයකින් හමා ආ ‘රෙමාල්’ සුළි කුණාටුව, බංග්ලාදේශයට සහ ඉන්දියාවට අයත් බටහිර බෙංගාලයට කඩා වැදුණි. ඉන්දීය මාධ්‍ය වාර්තා කළේ සුළි කුණාට


ටෙල් අවීව් නුවරට රොකට් ප්‍රහාරයක්
2024 මැයි මස 26 3038 1

ඊශ්‍රායලයේ ටෙල් අවීව් නගරයට, ගාසා තීරයේ පලස්තීන හමාස් සටන්කාමීන් රොකට් ප්‍රහාර එල්ල මාලාවක් එල්ල කළේය.


පැපුවා නිව්ගිනියාවේ නායයෑමෙන් 670 ක් මරුට
2024 මැයි මස 26 849 0

පැපුවා නිව්ගිනියාවේ සිදුවුණු නායයෑමෙන් 670 දෙනෙකු පමණ මියගොස් ඇතැයි විදෙස් මාධ්‍ය පවසයි.


දියණිය ගැන සචින් ආඩම්බරයෙන්
2024 මැයි මස 26 5995 0

සචින් තෙන්ඩුල්කාර් ලෝක පූජිත ඉන්දීය ක්‍රිකට් තරුවකි. තමන්ගේ ක්‍රිකට් ජයග්‍රහණ පසුපස තමන්ට සැමවිටම ශක්තියක් වූයේ තම බිරිඳ සහ දරු දෙදෙනා යැයි සචින් නි


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 965 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2525 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2162 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site