බටහිර ඉන්දියාවේ සුරත් නුවර සිට දිල්ලි දක්වා යාමට ගුවන්ගත කරමින් තිබූ යානයක මී හරකකු ගැටීම හේතුවෙන් ගමන අවලංගු කර එහි සිටි මගීන් 146 දෙනකු වෙනත් යානයකට නංවා ඇතැයි විදෙස් මාධ්‍ය වාර්තා කරයි.

මෙලෙස අනතුරට පත්ව ඇත්තේ බොයිං 737 – 800 නමැති යානයකි. ඉන්දීය ගුවන් බලධාරීන් පවසන්නේ මේ ගුවන්තොටුපොළෙන් දිනකට ගුවන් යානා තුනක් පමණ ගුවන්ගත කරන බවයි. මී හරකා වැදීමෙන් යානයේ එන්ජිමට හානි සිදුව ඇතැයි ද විදෙස් මාධ්‍ය වාර්තා කරයි.