මිසයිල යොදා අඟහරු පොළොව ගැඹුරට ම විද ජීවය සිටීදැයි සොයා බැලීමේ ව්යාපෘතියක් සැළසුම් කැර ඇත. විද්යාඥයන් පවසන්නේ මේ ක්රියාව අන් සියළු අඟහරු ව්යාපෘතීන්වලට වඩා ලාභදායී බවයි.
අඟහරු අභ්යන්තරයට ගමන් කළ හැකි මිසයිලයක සවිකරන ලද සන්නිවේදන උපකරණ අඟගහරු පෘෂ්ඨය පසාරුකරගෙන අභ්යන්තරයට යැවීම මේ ව්යාපෘතියේ සැළසුමයි.
එක්සොලාන්ස් නමින් හඳුන්වා ඇති ව්යාපෘතිය සඳහා දැනටමත් ඇමෙරිකානු ඩොලර් 250,000 හෙවත් රුපියල් තුන්කෝටි විසිපන් ලක්ෂයක් වෙන්කැර ඇත. එහි සැළසුම වී ඇත්තේ අඟහරු වෙත යන යානයකින් පුපුරන ද්රව්ය නොමැති මිසයිල අඟහරු අභ්යන්තරයට යැවීමයි. මිසයිලයේ සවිකරන සන්නිවේදන උපකරණ මගින් ජීවය පිළිබඳ තොරතුරු පෘථිවියට ලැබෙනු ඇත.
මිසයිල මෙහෙයුම හමුදා ක්රියාකාරකම් සඳහාම නිපදවූ ගෙනයාමේ පද්ධතියකින් සමන්විතය. අඟහරුමත අනාගතයේ මිනිස් ජනාවාස බිහිකිරීමට සුදුසු බව තහවුරු කැර ගැනීම පර්යේෂකයන්ගේ අරමුණ වී ඇත.
මෙක්සිකෝවේ මොජටිව් කාන්තාරයේ පොළොව අඟහරු පෘෂ්ඨය හා බොහෝ සෙයින් සමාන බැවින් ඉදිරි මාස 14 දී මොජටිව් කාන්තාරයේ දී අත්හදා බැලීමේ මෙහෙයුමක් කිරීමට ද නියමිතය. එහිදී මිසයිල ගෙනයන කොටස හා භූගතවන කොටස අත්හදා බැලීමට සැළසුම් කැර ඇත.
පර්යේෂකයන් පවසන්නේ අත්හදා බැලීම් සාර්ථක වූ පසු නාසා අඟහරු මෙහෙයුම් වලට එක්සොලාන්ස් මිසයිල මෙහෙයුම ද එක්වනු ඇති බවයි.
COMMENTS
අදහස් කරන විදියට පොලොව යට ජීවීන් ඇති. (නදී)
අනේ මන්දා පෘතුවිය කෑවා මදිවට දැන් අඟහරුටත් දෙන්නයි හදන්නේ වැඩේ නේද ? හෙන ගහපන් ගණන් බලාපන් කියල අපේ මාම කෙනෙක් කිවේ මෙන්න මේ වගේ දේවල් වලට වෙන්නැති ! (අ)
පොළව යට ජීවීන් හිටියත් නැතත් ජීවය තිබුන බවටවත් සාක්කියක් හොයාගන්න නම් කිලෝමීටරයක්වත් දුරට විදින්න වෙයි. අවුරුදු මිලියක ගාණකට පෙර නම් ගිනිකඳු, භූකම්පන, දෙදරීම්, දූවිලි, උල්කා පිපිරීම් වලින් වැහිලා ගොඩක්ම යට ඇත්තෙ. (නි)
ජීවය විශ්වය පුරා විහිදී තියෙන බහුල දෙයක් කියලයි මගේ අදහස. ඒ ඒ ග්රහ වස්තුවේ ඇති පරසර තත්ත්ව අනුව ජීවීන් විවිධ වර්ධන අවධි වල පවතිනවා. එය රසායනික සංයෝග බිද හෙලා ජීවත් වන ශුද්ර ජීවීන්ගේ පටන් අපේ දැනුමේ සීමාකාරී බව නිසා අපට හිතා ගත නොහැකි දියුණු ජීවීන් දක්වා වෙනස් විය හැකියි. අපේ පොළොවේ ජීවය ආරම්භ වූ හැටි බුදු දහමේ අග්ගඥ්ඥ සුත්රයේ නිවැරදිව පැහැදිලි කරලා තියෙනවා. (අ)
අගහරුගේ ජීවයක් නෑ කියල තාමත් ඔය පර්යේෂකයන්ට පැහැදිලි නෑ වගේ. ඇත මට නම් හිතෙනවා අගහරුගේ ජීවයක් නේ කියල. පෙන්නේ නැතිද ගහක් කොලක් නැහැනේ. (අ)
අනේ මන්දා මේ ඇමරිකන් අයටත් පිස්සුද කියලා. කොහොමද ඕක විදපු ගමන් ඕක ඇතුළෙන් දෙබරු වගේ අය ඇවිල්ලා මිනිසුන්ට විදින්න ගත්තොත්? නැත්නම් විස දුමක් ඇවිල්ලා හුස්ම ගන්න බැරි වුණොත්? අර එබෝලා හැදුනට වඩා දරුණුවෙයි (නි)
මට හිතෙන්නේ අඟහරුගේ ජීවයක් නැහැ කියන කතාව අපි අහලා තිබුනාට මේ අය උත්සාහය අතහරින්නේ නැහැනේ. ඒ කියන්නේ මෙතන මොකක් හෝ මේඅයගේ බලාපොරොත්තුවක් තියනවා. (නි)