IMG-LOGO

මලයාසියා යානයේ කළු පෙට්ටිය සොය ගනී

මගීන් හා කාර්යමණ්ඩලයව 162 නෙකුගේ ජීවිත සඟවා ගනිමින් පසුගිය වසරේ දෙසැම්බර් මස 28 වැනිදා මුහුදට කඩා වැටී විනාශ වූ මලයාසියාවේ එයාර් ඒෂියා ගුවන්සේවයට අයත් අංක 8501 දැරූ ගුවන්යානයේ ප්‍රධාන කළුපෙට්ටිය සොයාගැනීමට ඉන්දුනීසියා බලධාරීන් සමත්ව තිබේ.

ඉන්දුනීසියාවේ සුරබයා සිට සිංගප්පූරුව බලා ගමන්කරමින් තිබූ මෙම යානය ගුවන්ගතවී පැයක් පමණ ගතවූ තැන රේඩාර් තිරයෙන් අතුරදන්ව ගියේය.එය හා සබඳතා ඇති කර ගැනීමට බළධරයින් දැරූ උත්සාහයන් සියල්ලද අසාර්ථක විය.

යානයේ සළකුණකුදු සොයාගත නොහැකිව දින කිහිපයක් ගතවුනි.අවසානයේ මුහුද මත වූ තෙල් පැල්ලමක් නිරීක්ෂණය කිරීමේදී එය ගුවන්යානයට අයත්වූවක් බව හෙළිවූ අතර ඒ හා සමග ආරම්භ කළ මෙහෙයුම් කටයුතු වලින් මුහුද පත්ලේ තැන් තැන්හි විසිර තිබූ යානයේ සුන්බුන් සොයාගැනීමට හැකිවීමත් සමග යානයට අත්වුනු ඉරණම පැහැදිලි විය.

විශේෂඥයින් පවසන්නේ යානය මුහුද හා ගැටීමේදී පුපුරා ගොස් ඇති බවක් පෙනෙන බවයි.යානයේ කුටීරයේ වූ වායු පීඩනය අඩු කිරීමට නියමුවාට නොහැකිවීම නිසා මෙසේ යානය පුපුරා යන්නට ඇතැයි සිතිය හැකි බව ඔවුන් කියයි.

සොයාගනු ලැබ ඇති කළු පෙට්ටියේ දත්ත අනාවරණය කර ගැනීමට තවත් සතියක පමණ කාලයක් ගතවනු ඇතැයි සඳහන්ය.එම දත්ත වලින් ප්‍රධාන මෙහෙයුම් මැදිරිය හා ගුවන්යානයේ සම්බන්ධතාවය ගිලිහුණු පසු යානයේ නියමු කුටියේ සිදුවූ සංවාදයන් කවරේද,නියමුවන් ගත් තීරණ මොනවාද ආදී තොරතුරු ලබා ගැනීමේ අපේක්ෂාවෙන් ඉන්දුනීසියා ගුවන් බළධරයින් සිටී.

දෙවන කළු පෙට්ටියක්ද සමුව තිබෙන අතර එය විනාශවූ යානයේ සුන්බුන් තොගයක් අතර සිරව තිබෙන හෙයින් පිටතට ගැනීමට අපහසුවී ඇති බව පැවසේ.

මේ වන විට යානයේ ගමන් කළ මගීන් 48 දෙනෙකුගේ මළ සිරුරු ගොඩගෙන ඥාතීන් වෙත භාරදීමට කටයුතු කෙරී තිබේ.ඉතිරි මගීන් යානයේ ප්‍රධාන කුටියේ සිටින බවට සැකකෙරෙන අතර එම ප්‍රධාන කුටිය සහිත ගුවන්යානා කොටස සොයාගෙන ඇතත් ඒ ආසන්න මුහුදේ ඇති ප්‍රබල දියවැලක් නිසා එය වෙත ළගාවීම කිමිදුම්කරුවන්ට දුෂ්කරවී ඇත.

ඉන්දුනීසියා බළධරයින් පවසන්නේ ඉක්මනින්ම මළසිරුරු ගොඩට ගත නොගතහොත් ඒවා විනාශවීමේ අවදානමක් තිබෙන බවයි.ගොඩට ගත් මළසිරුරු කිහිපයක්ම තිබී ඇත්තේ යන්තමින් හදුනාගැනීමට හැකි තරමට විනාශ වීය.

මෙම ගුවන්යානය එදා එම ඉරිදා දිනයේ පියාසර කිරීමට සැළසුම් කර නොතිබූවක් බවද සඳහන්ය.එම අවසරය ලබාදුන් හා නියමුවා හා සංවාදයේ යෙදුණු ගුවන්සේවා බළධරයින් හත් දෙනෙකුගේ වැඩ තහනම් කිරීමටත්,ඔවුන්ට එරෙහිව පරීක්ෂණයක් පැවැත්වීමටත් ඉන්දුනීසියා ගුවන්සේවා පාළනාධිකාරිය කටයුතු කර තිබේ.

249E673900000578-2906144-image-a-11_1421063905414 249EA1D500000578-2906144-image-a-1_1421052130488 249FA9E100000578-2906144-image-a-3_1421055688037 249FE8A600000578-2906144-image-a-8_1421061287974 249FFA4A00000578-2906144-image-a-3_1421060776566



අදහස් (0)

මලයාසියා යානයේ කළු පෙට්ටිය සොය ගනී

අංජන ගිහාන් Tuesday, 13 January 2015 06:42 AM

මොනා කරන්නද දැන් ඉතින් (නදී)

:       0       0

වික්ටර් Tuesday, 13 January 2015 04:56 PM

මෙම කළු පෙට්ටිය සොයා ගත්තේ රුසියානු හමුදා කණ්ඩායමක් විසින්. (නදී)

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 98 0
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 642 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි. 2025 ජුනි මස 25 130 0
ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි.

xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ‍්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි

Our Group Site