මියන්මාරයේ අගනුවර යැන්ගොන්හි සුඛෝපභෝගී හෝටලයක් ගිනි ගැනීම හේතුවෙන් එක් පුද්ගලයෙකු මියගොස් තවත් දෙදෙනකු තුවාල ලබා ඇතැයි වාර්තා වේ.
 
 බුරුමයේ සාම්ප්‍රදායික නිර්මාණශිල්පයට අනුව නිමවා ඇති මෙම හෝටලය සම්පූර්ණයෙන්ම තේක්ක දැව යොදා සාදා ඇති අතර ස්මාරකයක් ලෙස බොහෝ සංචාරකයින් අතර ජනප්‍රිය ස්ථානයක් වේ. 
 
 
ගිනිගැනීම සිදු වන අවස්ථාවේ හෝටලයේ රැඳී සිටි 140ක පමණ සංචාරකයින් පිරිසක් ආරක්ෂිතව ඉවත් කර ඇත. ගිනිනිවන භටයින් සියගනනක් යොදවා පැය කිහිපයක් තිස්සේ ගින්න මැඩපැවැත්වීමට උත්සාහ කළද හෝටලය සම්පූර්ණයෙන්ම ගිනිගෙන දැවී ඇතැයි බලධාරීහු පවසති. දැවයෙන් නිමවා තිබීම නිසා ගින්න වේගවත් වී ඇත.
 
ගින්නට හේතුව ගෑස් හෝ විදුලි කාන්දුවක් වියහැකි බව විශ්වාස කෙරේ.
අනතුරින් මියගිය පුද්ගලයා තවමත් හඳුනාගැනීමට නොහැකි වී ඇති බව මාධ්‍ය වාර්තා කරයි.
 
(ඩේලි මේල් ඇසුරිණි -085)