ජීවිතාන්ත සිර දඬුවම් විඳින ඊජිප්තුවේ හිටපු ජනපති හොස්නි මුබාරක්ගේ අසනීප තත්ත්වය සැලකිල්ලට ගෙන ඔහු බන්ධනාගාරයෙන් රෝහලකට මාරු කරන්නැයි ඉල්ලමින් මුබාරක් හිතවාදීහු පිරිසක් පෙරේදා (10) කයිරෝ අගනුවර විරෝධතා රැලියක් පැවැත් වූහ. පිළිකාවකින් පීඩා විඳින 84 හැවිරිදි හිටපු ජනපති මුබාරක්, මේ වනවිට බන්ධනාගාර සිර මැදිරියක ජීවත් වන්නේ දිවි සුරකින යන්ත්රයකට සම්බන්ධ කර සිටීමෙනි. ඔහු බන්ධනාගාරයෙන් රෝහලකට මාරු කළ යුතු යැයි වෛද්යවරුන් විසින් ද නිර්දේශ කරනු ලැබ ඇත. මුබාරක් රෝහල් ගත කරන්නැයි ඊජිප්තුවේ හමුදා පාලකයන්ට බල කරමින් පැවැත් වූ එම විරෝධතාවට, මුබාරක් හිතවාදීහු 200 කට වැඩි පිරිසක් සහභාගී වූහ. ඊජිප්තුවේ පසුගිය වසරේ මාර්තු මාසයේ රාජ්ය විරෝධී උද්ඝෝෂණ ආරම්භ වූ අවස්ථාවේ, ආරක්ෂක අංශ යොදවා විරෝධතාකරුවන් මර්දනය කිරීමට අණ දීමත්, ඔවුන් ඝාතනය කිරීමට කුමන්ත්රණය කිරීමත් යන චෝදනාවලට මුබාරක්ට ජීවිතාන්ත සිර දඬුවමක් නියම කෙරුණේ ඉකුත් දෙවැනිදාය. මුබාරක්ට මරණ දඬුවම ලබා දෙන්නැයි බල කරමින් ද එම අවස්ථාවේදී කයිරෝ නුවර තහ්රීර් චතුරස්රයේ මහා විරෝධතාවක් පැවැත්විණි. මුබාරක්ගෙන් පසු නව ජනපතිවරයකු තෝරා ගැනීමේ අරමුණින් ඊජිප්තුවේ පසුගියදා ජනපතිවරණයක් පැවැත්විණි. වසර ගණනකට පසු පැවැති නිදහස් ජනපතිවරණය වූයේ ද එයයි. එහි දෙවැනි වටය ලබන 16 සහ 17 වැනිදා පැවැත්වීමට නියමිතය.
2025 නොවැම්බර් මස 21
168
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
239
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1108
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
මුබාරක් හිරගෙදරින් රෝහලට යවන්නැයි ඊජිප්තුවේ විරෝධතා
කමල් Tuesday, 12 June 2012 04:31 PM
ඊජිප්තුවෙ වෙසෙන සාමාන්ය ජනතාවගෙන් වැඩි හරියක් නූගත් වෙන්න හේතුවත් ඔය හිටපු ජනාධිපති මුබාරක්ම තමයි...