ඇමරිකා ජනපති අපේක්ෂක ඩොනල්ඞ් ට්රම්ප් යනු අප්රසන්න පුද්ගලයකු බවත්, අන්තර්ජාතික වශයෙන් ගත් කළ ඔහු මුළු ලොවටම අවදානමක් බවත්, එක්සත් ජාතීන්ගේ මානව හිමිකම් මහකොමසාරිස් සෙයිඞ් රාඞ් අල් හුසේන් ස්විට්සර්ලන්තයේ ජීනිවා නුවර පැවැති මාධ්ය හමුවකදී පැවසුවේය.
මේ අදහස් දක්වමින් මානව හිමිකම් මහ කොමසාරිස්වරයා වැඩිදුරටත් සඳහන් කළේ ඩොනල්ඞ් ට්රම්ප් ප්රසිද්ධියේ වරදකරුවන්ට වද හිංසා පැමිණවීම ගැන අදහස් දැක්වීමත්, ආන්තික ජන කොටස් කෙරෙහි ඇති ඔහුගේ ආකල්පයත්, සම්බන්ධයෙන් තමාගේ කිසිඳු කැමැත්තක් නොමැති බවය.
රට රටවල දේශපාලන කටයුතු වලට ඇගිලි ගැසීමේ වුවමනාවක් තමාට නැතත්, අවදානම් සහගත මට්ටමේ සිටින ජන කොටස්හි ඉරණම තීරණය කිරීමේ සමත් වන මැතිවරණයක් පැවැත්වෙන විට හා මැතිවරණ අපේක්ෂකයකු ප්රසිද්ධියේම වද හිංසා පැමිණවීම ගැන අදහස් දක්වන විට, එම ජනතාවගේ මානව හිමිකම් වෙනුවෙන් පෙනී සිටීම තම යුතුකමක් සේ සළකන බවද ඔහු කීවේය.
තම මැතිවරණ ප්රචාරන කටයුතු වලදී වරක් අදහස් දැක්වූ ඩොනල්ඞ් ට්රම්ප් සඳහන් කළේ ඇමරිකාව මේ දක්වා භාවිතයට ගත් වද දීමේ කි්රයාමාර්ගයන්ට වඩා දරුණු කි්රයාමාර්ග හඳුන්වාදීමට තමා කටයුතු කරන බවයි.මෙක්සිකෝ දේශසීමාව වටා තාප්පයක් බැදීමටද තමාගේ සැළැස්මක් ඇති බව තවත් වරක් පැවසූ ඔහු ඇමරිකාව වෙත පැමිණෙන මෙක්සිකෝ සංක්රමණිකයන් ඇතැමෙක් ස්තී්ර දුූෂකයන් සහ මිනීමරුවන් යැයිද කීවේය.
ඩිමොක්රටික් පක්ෂ අපේක්ෂිකා හිලරි ක්ලින්ටන් හා මෑතක් වන තුරුම කරට කර තරගයක නියැලී සිටි ට්රම්ප් දැන් ක්රමයෙන් පසු බසිමින් සිටින බවක් පෙනෙන්නට තිබෙන අතර එයට ප්රධානම හේතුව වන්නේ ඔහු කාන්තාවන් සම්බන්ධයෙන් ඉතාම අශෝභන ලීලාවෙන් අදහස් දක්වනු ඇතුලත් වීඩියෝවක් මාධ්ය ඔස්සේ නිදහස් වීම නිසා ඔහු කෙරේ ඇතිව තිබෙන විරෝධයයි.
මේ නිසාම ඩොනල්ඩ් ට්රම්ප්ගේ රිපබ්ලිකන් අපේක්ෂකත්වය අහෝසි කරන ලෙස ඇමෙරිකා ජනපති බැරක් ඔබාමා හිලරි ක්ලින්ටන්ට සහය දක්වමින් පැවතී රැළියක් අමතමින් රිපබ්ලිකන් පක්ෂ ජෙෂ්ඨයින්ගෙන් ඉල්ලා සිටියේය.
මෙම වීඩියෝව නිදහස් වීම හමුවේ ඔහු නියෝජනය කරන රිපබ්ලියන් පක්ෂයේ ඇතැම් සාමාජිකයින්ද ඔහු කෙරෙන් ඈත් වීමට පටන් ගෙන ඇත.ට්රම්ප් ඔවුන්ව හඳුන්වාදී තිබෙනුයේ ද්රෝහීන් ලෙසය.
ශ්රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්රසිද්ධය. රට තු
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී සිය දීප ව්යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
මානව හිමිකම් මහකමිසුරු ට්රම්ප්ට අකමැතිලු
රජින්ද Thursday, 13 October 2016 09:26 AM
සෑම්ගේ අන්තර්ජාතික විග්රහය නම් වැරදියි. හිලරිගේ අමානුෂික වැරදි වලට ට්රම්ප්ගේ මානුෂීය වැරදි වහන්න බැහැ. ට්රම්ප් සත්යවාදී වැඩයි ඒකයි අවුල.(ම)
සෑම් Thursday, 13 October 2016 06:02 AM
මේ කියන දේ ඇත්ත. ට්රම්ප් කොහොමටවත් හොඳ කෙනෙක් නොවයි . නමුත් හිලරි ඊටත් වඩා නරක එ්කයි ප්රශ්නේ. (බ)