සිය හාම්පුතාගේ නිවසට ගිනි ඇවිලවීයැයි නිවසේ බළල් සුරතලා චෝදනා ලබා සිටීයි.

බි‍්‍රතාන්‍යයේ ටෙල්ෆෝර්ඞ් නගරයේ ගිනි නිවීම් අංශයට ලැබුණු දුරකථන ඇමැතුමකින් කියැවු‍ණේ ගිනි ගෙන දැවෙන නිවසක සිරව සිටිනා පිරිසක් ගැනයි.

වහා එම ස්ථානයට යන ගිනි නිවීම් භටයන් නිවැසියන් පිරිස බේරා ගැනීමට සමත් වන්නේය.ගින්න මැඩ පැවැත්වුවද ඒ වන විට නිවසේ සෑහෙන කොටසක් විනාශවී ගොසිනි.

නිවැසියන් ගින්න ඇති කිරීමට මුල් වන්නට ඇත්තේ බුබා නම් සුරතල් නාමයෙන් හැදින්වෙන සිය බළල් සුරතලා බැව් කියයි.

අපි ගිනි නිවීම් භටයන් එනතුරු නිවසේ කොටුවෙලා හිටියේ.ගින්න එතකොට කුස්සිය පුරා පැතිරිලා.මොකද වෙන්න ඇත්තේ කියලා කල්පනා කර කරඉන්න කොට මම එළියේ වැට උඩ ඉදගෙන හිටි බුබා දැක්කා.එතකොට තමයි මට තේරුණේ මේ එයාගේ වැඩක් තමයි කියලා.එවලේ මට සිහිවෙච්ච දේවල් කියන්න වචන නැහැ‘‘ නිවෙස් හිමිකාරිය වන ජැකී පවසන්නීය.

විදුලි උදුන කි‍්‍රයාත්මක වීමෙන් මේ ගින්න ඇති වන්නට ඇතැයි සැකකෙරේ.ගින්න ඇති වන අවස්ථාවේ කුස්සියේ නිදා සිටියේයැයි කියන බුබා වෙත සැකය එල්ල වී ඇත.

මේ පළමු අවස්ථාව නොවේ බුබා මේ වගේ දෙයක් කරපු.දගලන්න ගත්තම එයාට ඉන්න තැනක් මතක නැහැ.මේකත් ඒ වගේ දෙයක් නිසා වුණා වගේ තම පෙනෙන්නේ‘‘ජැකී කියයි.

ගින්න නිසා පවුම් දහස් ගණනක දේපළද නිවසේ මුළුතැන්ගෙයද විනාශ වී ඇත.බුබාව නිවසින් එලවන්නේදැයි ඇසූ විට ජැකී සදහන් කළේ අත්වැරදීමකින් සිදුවූ දෙයක් නිසා බුබාට කිසිදු ආකාරයේ දඩුවමක් නොදෙන බවයි.