දරුවන් යොදාගෙන සිදුකරන ලද ලොව මෙතෙක් සොයාගනු ලැබූ විශාලතම බිලිපූජාව පේරු පුරාවිද්‍යාඥයින් විසින් සොයාගෙන තිබේ.

බිලිපූජාව සඳහා ඝාතනය කරනු ලැබූ අවුරුදු 5 ත් 14 ත් වයසේ දරුවන් 227 දෙනකුගේ සිරුරු එකම ස්ථානයකින් හමුවී ඇතැයි මාධ්‍ය වාර්තා කර ඇත.

මෙම සිරුරු හමුවී ඇත්තේ පේරු රාජ්‍යයේ අගනුවර වන ලීමා නගරයට උතුරින් වෙරළබඩ පිහිටි හුවැන්චාකෝහිදීය.

මෙම සමූහ මිනී වල අවුරුදු 500ක් පමණ පැරණි බව සඳහන් වේ.පුරාවිද්‍යාඥයින් පවසන්නේ සමහර සිරුරු වල හිසකෙස් සහ සම ඉතිරිවී තිබෙන බවයි.

මීට පෙර පේරු රාජ්‍යයේ  පුරාවිද්‍යා කැණීම් භූමි දෙකකින් බිලිපූජා සඳහා යොදාගනු ලැබූ දරුවන් 200 කගේ සිරුරු සොයාගනු ලැබිණි.

(බීබීසී ඇසුරිණි - 085)