නැගෙනහිර එංගලන්තයේ මැන්චෙස්ටර් හි බල්ලන් රැකබලාගන්නා නිවසක ඇතිවූ ගින්නකින් බල්ලන් 43 දෙනකු මියයාමේ පුවත වාර්තාවීමත් සමග මේ බලු නිවාසය වෙනුවෙන් ආධාර කෝටි ගණනක් ලැබී ඇතැයි විදෙස් මාධ්‍ය වාර්තාකරයි.

ගින්න ඇතිවී මිනිත්තු කිහිපයකින් පවුම් 561,000ක් (රුපියල් කෝටි 12ක්) ආධාර ලැබී ඇත. මේ ගින්නෙන් බල්ලන් මියයාම සම්බන්ධයෙන් මහත් කම්පාවට පත්ව ආධාර කරන්නේ සුරතල් සතුන් ඇතිකරන පිරිස් බව ද මාධ්‍ය වාර්තා කරයි.

ගින්නට මැදිවී සිටි බල්ලන් 150ක් ස්වේච්ඡා සේවකයන් විසින් බේරාගෙන ඇත. මේ ගින්න ඇතිකරන ලදැයි සැකපිට 15 හැවිරිදි පිරිමි ළමයකු අත්අඩංගුවට ගෙන ප්‍රශ්නකරමින් සිටින බව පොලිසිය කියයි.