තම විවාහ සංවත්සරය සැමරීම සඳහා ඇමෙරිකාවේ ඔහියෝ ගොවියෙක් බිරිඳට අපූරු, වටිනා තෑග්ගක් දුන්නේය.

පිලිප් ඩර්තික් (72) සහ මාරි ඩර්තික් (75) මෙම වසරේ ඔවුන්ගේ 50 වන රන් ජුබිලිය සමරති.

මෙතෙක් පැවති සෑම විවාහ උත්සවයකදීම තම බිරිඳ පුදුම කිරීමට සමත්වූ ඔහු මෙවර වෙනස්ම ආකාරයක තිළිණයක් ලබා දිමට උත්සහ කළේය.

ඒ අනුව තම දරුවන්ගේද උදව් ඇතිව තමාට අයිති අක්කර 17ක කෙතේ තමාගේ සහ බිරිඳගේ මංගල ඡායාරූපයේ ස්වරූපය දිස්වන පරිදි ධාන්‍ය වගා කළේය.

ඒ වගේම ඔහුගේ ට‍්‍රැක්ටරයද මෙහි පතුලෙහි පෙනෙන පරිදි නිර්මාණය කරන ලදි. ඒ විවාහ වූ දා සිට ඔහු හා බිරිඳට සිටි එකම මිතුරා ට‍්‍රැක්ටරය වන නිසා බව ඔහු සඳහන් කරයි.

මෙම වටිනා තිළිණයෙන් ඔහුගේ බිරිඳ මහත් පුදුමයකටත් සතුටටත් පත්වූ බවත්, ලබන වර්ෂයේදී පහත ඡායාරූපය පරිදි ධාන්‍ය වගාවක් සකස් කිරීමට තමන් කැමති බවද ඇය සඳහන් කර ඇත. තමන් ලද තිළිණය පමණක් නොව එයින් ලැබෙන අස්වැන්නෙන් තමන්ටත් රටටත් වන වාසිය ගැනද තමන් සියුම් ආඩම්බරයක් භුක්ති විදින බව බිරිඳ පවසන්නීය.