ලෝක ප‍්‍රකට බි‍්‍රටැනිකා ශබ්දකෝෂය වසර 244කට පසුව මුද්‍රණ කටයුතු අත්හිටුවා සම්පූර්ණයෙන්ම ඩිජිටල් තාක්ෂණයෙන් එළිදැක්වීමට සූදානම්ව සිටින බව විදෙස් වාර්තා සඳහන් කරයි. මුද්‍රණ කටයුතු නවතා දමා නව තාක්ෂණය හා මුසු වීමට අප අදහස් කළේ මීට මාස කිහිපයකට පෙර සිට යැයි බි‍්‍රටැනිකා විශ්වකෝෂයේ සභාපති ජෝර්ජ් කෲස් පැවසීය. 1990 වසරේදී වෙළුම් 32කින් යුත් බි‍්‍රටැනිකා විශ්වකෝෂයේ කට්ටල 120,000ක් ඇමෙරිකාවේදී අලෙවි වී අතර අන්තර්ජාලය පැමිණීමත් සමඟ එම අලෙවිය සීඝ‍්‍රයෙන් පහළ ගියේය. ඒ අන්තර්ජාලයට එක්වූ විකිපීඩියා මාර්ගගත විශ්වකෝෂයේ පැමිණීමත් සමඟය. බි‍්‍රටැනිකා විශ්වකෝෂය අන්තර්ජාලයට මුලින්ම එක් කරනු ලැබූයේ 1994 වසරේදී වන අතර එය අධ්‍යාපන කටයුතුවල යෙදෙන්නන් අතර දැනුම ලබා ගැනීමේ මාධ්‍යයක් ලෙස බෙහෙවින් ජනප‍්‍රිය විය. මෙම නව පියවරත් සමඟ ලෝකය පුරා විසිරී සිටින මිලියන ගණනක් වන ජනතාව තම විශ්වකෝෂය වෙත ආකර්ශනය කර ගත හැකි බව එහි සභාපතිවරයා සඳහන් කළේය.