ලිබියාවට එපිටින් මුහුදු තීරයේදී සරණාගතයින් රැගත් බෝට්ටුවක් අනතුරට ලක්වීමෙන් 31දෙනකු පමණ මියගොස් ඇතැයි වාර්තා වේ. 
 
මොවුන් මධ්‍යධරණී මුහුද තරණය කර යුරෝපයට ගමන් කිරීමට බලාපොරොත්තුව සිටි අය බව ලිබියානු වෙරළාරක්ෂක සේවය පවසයි. මියගිය අය අතර කුඩා දරුවන් ද සිටින බව පැවසේ.
 
ජලයේ පාවෙමින් සිටි 60දෙනකු පමණ බේරාගත් බව මුදවාගැනීමේ කණ්ඩායම් වාර්තා කර ඇති අතර බේරාගත් පුද්ගලයන් ට්‍රිපොලි නාවුක කඳවුර වෙත ගෙන ගොස් ඇත.
 
මධ්‍යධරණී මුහුද තරණය කිරීමට ගිය සරණාගතයින් 3000ක් පමණ මෙම වසර තුල දී පමණක් මියගොස් ඇතැයි සරණාගතයින් සඳහා වන ජාත්‍යන්තර සංවිධානය පවසයි. පසුගිය අවුරුදු 17ක කාලය තුල සරණාගතයින් 33000ක් පමණ මියගොස් ඇති අතර මෙම සංවිධානය පවසන්නේ සරණාගතයින් මධ්‍යධරණී මුහුද තගරණය කිරීමට යෑම මාරාන්තික ගමනක් බවයි. 
 
(බීබිසි පුවත් ඇසුරිණි - 085)