බංගලාදේශයේ සුළු හා අන්‍යාගමික පුරවැසියන් වෙත එල්ල වූ ප්‍රහාර රාශියකට සැක පිට සටන්කාමීන් 900 ක් පමණ   අත්අඩංගුවට ගෙන ඇති බව බංග්ලාදේශ පොලිසිය පවසයි.

සටන්කාමීන් විසින් සිදුකරන ලද එවන් ප්‍රහාර වලින් පහුගිය වසරේ 40 දෙනෙකු පමණ මිය ගොස් ඇතැයි සඳහන්ය. බ්ලොග් රචකයින්, ආගමික විද්වතුන් හා සුළු ආගමික සාමාජිකයෝ ඒ අතර වෙති.

එම ප්‍රහාර සම්බන්ධයෙන් සිදු කරන ලද පරීක්ෂණ සහ මෙහෙයුම් වලින් මෙම සැකකරුවන් අත් අඩංගුවට ගෙන තිබේ.

පසුගිය සතියේ ද හින්දු ආරාමයක සේවකයෙකු පබ්නා දිස්ත්‍රික්කයේ දී කපා කොටා ඝාතනය කර තිබිණ.  ඝාතන පිටුපස සිටින්නේ ඉස්ලාම් අන්තවාදී කණ්ඩායම් බව මේ වන විට අනාවරණය වෙමින් පවතින ඉව එරට බලධාරීහු පවසති.

බංග්ලාදේශයේ අන්තවාදය ඉහළ යමින් තිබෙන බවත් එවන් අවධියක සුළු ආගම් අදහන පිරිස් වෙත දැඩි අභියෝගයක් මෙන්ම තර්ජනයක් ඇති වීම බලාපොරොත්තු විය හැකි බවත් විචාරකයෝ පවසති.

ආගම්වාදය මූලික කරගෙන ත්‍රස්තවාදයක් බිහිවෙමින් පවතින බංගලාදේශයේ මෙවන් ඝාතන මේ වන විට වැඩිවෙමින් පවතින අතර පසුගිය සතියේ දී හින්දු පූජකවරයෙක්, ක්රිස්තියානි සිල්ලර වෙළෙඳසල් හිමියෙක් සහ ත්රස්ත-විරෝධී පොලිස් නිලධාරියෙක් සටන්කාමීන් විසින් ඝාතනය කරනු ලැබූහ.

 මෙම ඝාතන වලට සැකපිට අත්අඩංගුවට ගත් පුද්ගලයන් ප්‍රශ්න කිරීමෙන් පසු නිවැරදි කරුවන් විය හැකි බවත් එලෙස වුවහොත් ඔවුන් නිදහස් කරන බවත් සදහන් වේ.

පොලිස් බුද්ධි අංශ වාර්තා මත පදනම් කරගෙන ඝාතන 40කට පමණ වග කිව යුතු සැකකරුවන් ලැයිස්තුවක්ද ඉදිරිපත් කර තිබිණි.