පිලිපීනයට බලපෑම් ඇතිකළ ෆැන්ෆෝන් සුළි කුණාටුව හේතුවෙන් මියගිය සංඛ්‍යාව 28 ක් දක්වා ඉහළ ගොස් ඇතැයි එරට බලධාරීහු පවසති.

පුද්ගයන් 12 දෙනකු අතුරුදන්වී ඇති බවත් 58,000 කට වැඩිපිරිසක් අවතැන් වූ බවත් ආපදා කළමණාකරන කවුන්සිලය පවසයි.

පසුගිය අඟහරුවාදා (24) පිලිපීනයට ඇතුළු වූ සුළි කුණාටුවෙන් දැඩි ගංවතුර තත්ත්වයක් ඇතිවූ අතර පළාත් කිහිපයක නිවාස විනාශ විය.

සුළි කුණාටුව පැයට කිලෝමීටර් 200 ක වේගයෙන් පිලිපීන දූපත් හරහා හමාගිය අතර නත්තල් උත්සවය සඳහා නිවෙස් කරා යාමට සිටි දහස් ගණනක පිරිස් අතරමං වී සිටියහ.

මියගිය සංඛ්‍යාව තවදුරටත් ඉහළ යාමට ඉඩඇති බවද බලධාරීහු පවසති.

(බීබීසී පුවත් ඇසුරිණි - 085)