රෝහලක් ඉදිකරන බවට ඉන්දියානු අගමැතිවරයා දුන් පොරොන්දුව ඉටු නොවීම හේතුවෙන් එය යලි මතක් කිරීම සඳහා ඉන්දියානුවෙකු සැතපුම් 838ක දුරක් පයින් ගමන් කරමින් දිල්ලි වෙත ළඟා වෙමින් සිටින බව ඉන්දියානු මාධ්‍ය වාර්තා කරයි. 
 
 නැගෙනහිර ඔරිස්සා ප්‍රාන්තයේ සිට පසුගිය අප්‍රේල් 16දා ගමන් ආරම්භ කළ මුක්ටිකන්ට් බිස්වාල් මෙම සතිය අවසානයේ දිල්ලි වෙත ළඟාවනු ඇති බව පැවසේ.
 
 මේ දිනවල ඉන්දියාවේ බලපැවැත්වෙන දැඩි උණුසුම් කාලගුණය හේතුවෙන් ක්ලාන්ත වූ බිස්වාන් අග්‍රා නගරයේදී රෝහල්ගත කිරීමට ද සිදුවී ඇත. 
 
ඉන්දියානු කොඩියක් රැගෙන සිය චාරිකාවේ යෙදෙන තිස් හැවිරිදි මෙම තරුණයා පවසන්නේ ඔරිස්සා ප්‍රාන්තයේ ඉස්පැත් මහ රෝහල අති විශේෂ පහසුකම් සහිත රෝහලක් බවට දියුණු කිරීමට 2015 වර්ෂයේදී නරේන්ද්‍ර මෝදි මහතා පොරොන්දු වූ බවයි.
 
 අග්‍රාමාත්‍යවරයා හමුවිමට නොහැකි වුවහොත් නිරාහාරව විරෝධතාවයේ යෙදෙන බව බිස්වාන් පවසයි.
 
 (බීබීසී ඇසුරිණි - 085)