පෙරුගුවේ නව ජනපති ෆ්‍රෙඞ්රිකෝ ෆ‍්‍රැන්කෝට ලතින් ඇමෙරිකා රාජ්‍ය නායක සමුළුව තහනම් කිරීමට කලාපීය රාජ්‍ය නායකයෝ ඊයේ (25) තීරණය කළහ. ලතින් ඇමෙරිකා කලාපයට අයත් පෙරුගුවේ රාජ්‍යයේ ජනපති ධුරය හෙබවූ ෆර්නාන්දු ලූගෝ බලයෙන් නෙරපා බලයට පත්ව සිටින්නේ ෆ‍්‍රැන්කෝය. ලූගෝට බලයෙන් ඉවත් වීමට සිදුවුණේ මීට දින කීපයකට පෙර  ලූගෝට එරෙහිව ඉදිරිපත් කළ දෝෂාභියෝගයක් පාර්ලිමේන්තුවේදී සම්මත වීමත් සමඟය. එය කුමන්ත‍්‍රණයක් වුව ද පාර්ලිමේන්තුවේ තීරණයට හිස නමා තමා ධුරයෙන් ඉවත් වූ බව ෆර්නාන්දු ලූගෝ ප‍්‍රකාශ කළේය. ලතින් ඇමෙරිකා කලාපයට අයත් වෙනිසියුලාවේ ජනපති හියුගෝ චාවේස් එකහෙළා පවසා ඇත්තේ ලූගෝගේ ප‍්‍රජාතන්ත‍්‍ර පාලනයට එරෙහිව කුමන්ත‍්‍රණයක් සිදුවූ බවය. පෙරුගුවේ රාජ්‍යයට තෙල් සැපැයීම ද වෙනිසියුලාව මේ වනවිට තවතා දමා තිබේ. ඉඩමක් අත්කර ගැනීමේදී පොලිසිය සහ ගොවීන් පිරිසක් අතර ගැටුම් ඇති කළ බවට ද ලූගෝ චෝදනා ලැබ පෙරුගුවේ ජනතාවගේ අප‍්‍රසාදයට ලක් වී සිටී. මීට සතියකට පමණ පෙර හටගත් එම ගැටුම්වලින් ගොවියෝ 17 දෙනෙක් මියගියහ. පෙරුගුවේ ආණ්ඩුක‍්‍රම ව්‍යවස්ථාවට අනුව ලූගෝ ධුරයෙන් බවත් වීමත් සමඟ නව ජනපතිවරයා ලෙස උප ජනපති ෆ්‍රෙඞ්රිකෝ ෆ‍්‍රැන්කෝ පත් විය. බලයෙන් පහ කෙරුණු ලූගෝ හිටපු කතෝලික බිෂොප්වරයකු මෙන්ම උග‍්‍ර වාමාංශික මතධාරියෙක්ද වෙයි. ලූගෝගේ එදිරිවාදියකු වන ෆ්‍රෙඞ්රිකෝ ෆ‍්‍රැන්කෝ මධ්‍යස්ථ මතධාරියෙකි. බලයෙන් ඉවත් කළ ජනපති ලූගෝ