ගිලිය හැකි පෙත්තක සවි කළ  කැමරාවකින් සිරුර අභ්‍යන්තරයේ ඡායාරූප ගත හැකි අලූත්ම ක්‍රමයක් බ්‍රිතාන්‍යය වෛද්‍ය පර්යේෂකයෝ හඳුන්වාදී දෙති.

‘පිල් කැම්‘ නම් වන මෙම පෙත්ත සාමාන්‍ය ඛෙහෙත් කරලක් තරමට විශාලය.එහි සූක්ෂම ලෙස රදවා ඇති කුඩා කැමරාවක් ඇත.

පෙත්ත ගිලීමත් සමග එහි ඇති කැමරාව කි්‍රයාත්මක වන අතර තත්පරයකට ඡායාරූප 18 ක් ගැනීමේ හැකියාවක් එයට ඇත.ආහාර මාර්ගය ඔස්සේ ගමන් කරමින් එය ඡායාරූපද ඒ හාම ගනී.

කැමරාවෙන් ගැනෙන ඡායාරූප එහි ඇති සම්ප්‍රේෂකයකින් සම්ප්‍රේෂණය කෙරෙන අතර ඒවා රෝගියාගේ බඩ මත බැද ඇති විශේෂ පටියකින් ලබාගැනේ.මෙම පටිය පරිගණක තිරයකට සවිකර තිඛෙන අතර තිරය මත ඡායාරූප  එකින් එක දිස්වේ.

වෛද්‍යවරුන් පවසන්නේ කැමරාවක් සවිකළ බටයක් ආධාරයෙන් මේ දක්වා සිදුකළ එන්ඩොස්කොපි පරීක්ෂාවන්ට වඩා මෙම ක්‍රමයෙන් වඩා පැහැදිලි ලෙස රෝගියෙකුගේ ආහාර මාර්ගයේ අභ්‍යන්තරය පරීක්ෂා කළ හැකිබවයි.

කැමරාවක් සවිකළ බටය කටින් හෝ ගුදයෙන් ඇතුල් කෙරෙනා සාම්ප්‍රදායික එන්ඩස්කෝප ක්‍රමයෙන් බඩවැල් ආදී ආහාර මාර්ග අභ්‍යන්තරයේම ඇති කොටස් වල ස්වභාවය නිරීක්ෂණය කළ නොහැකි වුවත් මෙම නව ක්‍රමයෙන් එවැනි ගැටලූවක් ඇති නොවන බව ඔවුන් කියයි.

දැනට බ්‍රිතාන්‍යයේ සීමිත රෝහල් සංඛ්‍යාවකින් මෙම ප්‍රතිකාරය ලබා දේ.

මෙම එක් පෙත්තක මිල පවුම් 500 ක් පමණ වේ.