ඉන්දියාවේ 51 හැවිරිදි කාන්තාවකගේ පිත්තාශයේ තිබී ගල් 11,950ක් ඉවත් කළ බව ඉන්දියාවේ මාධ්‍ය වාර්තා කරයි. මෙය මිනිස් සිරුරක් අභ්‍යන්තරයේ තිබූ වැඩිම ගල් තොගයේ ලෝක වාර්තාව විය හැකි බව ද විචාරකයන්ගේ මතයයි.

මිනාති මොන්ඩාල් නැමැති කාන්තාව ඉවසිය නොහැකි බඩේ කැක්කුම හා පපුවේ දැවිල්ල යන රෝග ලක්ෂණ හේතුවෙන් සති දෙකකට පෙර ඉන්දියාවේ නැගෙනහිර පිහිටි බටහිර බෙන්ගාලයේ කල්කටාහි පුද්ගලික රෝහලකට ඇතුලත් වූළුාය.

වෛද්‍යවරු මේ කාන්තාව අල්ට්‍රා සවුන්ඩ් ස්කෑන් පරීක්ෂණයකට හා රසායනාගාර පරීක්ෂණ ගණනාවකට ලක් කිරිමේ දි පෙනී ගොස් ඇත්තේ ඇගේ පිත්තාශයේ ගල් සෑදී ඇති බවයි.

එම ගල් ඉවත් කිරිමට ශල්‍යකර්මයක් කළ අතර ඒ සදහා පැයක පමණ කාලයක් ගත වූ බව වෛද්‍යවරු කියති. ශල්‍ය කර්මයේ දි පිත්තාශයේ තිබී ගල් 11,950ක් ඉවත් කැර ඇත.

කොලෙස්ටරෝල් හා ලුණු එක් විමෙන් මෙලෙස පිත්තාශ ගල් සෑදෙයි. මේ ශල්‍යකර්මය කළ වෛද්‍ය මැකන් ලලා පවසන්නේ ස්කැන් පරීක්ෂණ සිදුකිරිමෙන් අනතුරුව තමන් සිතුවේ මේ කාන්තාවගේ පිත්තාශයේ ගල් 5000ක් පමණ තිබිය හැකි බවයි. නමුත් සියලු දෙනා පුදුමයට පත්කරමින් ඇගේ පිත්තාශයේ ගල් 12,000ට ආසන්න ප්‍ර‍මාණයක් තිබූ බව ඔහු කියයි. ශල්‍යකර්මය කර ඇත්තේ ලැපරොස්කොපි ක්‍ර‍මය භාවිතා කරමිනි.

woman suffeing 2 Woman suffering 1 - Copy Woman suffering 3