ප‍්‍රජාතන්ත‍්‍රවාදී පාකිස්තානයේ නිර්මාතෘවරයා ලෙස සැලකෙන එරට ප‍්‍රථම අගමැති අලි භූතෝගේ බිරිඳ වූ අසූ දෙහැවිරිදි නස්රත් භූතෝ ඊයේ (23) ඩුබායිහිදී මියගිය ගියාය. ඒ සමගම වත්මන් අගමැති යුසුෆ් රාසා ගිලානි, නස්රත් භූතෝගේ අභාවය සැමරීමට දින දහයක ශෝක කාලයක් ප‍්‍රකාශයට පත් කර ඇත. ඇය, ඝාතනයට ලක්වූ හිටපු පාකිස්තානු අග‍්‍රාමාත්‍යවරියක වූ බෙනාසීර් බූතෝගේ මව වේ. ඉරාන ධනවත් පවුලක උපන් නස්රත් පසුකාලීව කරච්චියට පැමිණ විවාපත් වූ පසුව පාකිස්තානු ජනතා පක්ෂයෙහි ක‍්‍රියාකාරියක් ලෙස ද කටයුතු කළ අතර දෙවරක් පාර්ලිමේන්තු මන්ත‍්‍රීවරියක ලෙස ද තේරී පත්වූවාය. අනතුරුව 1979 දී සියා උල් හක්ගේ ඒකාධිපති පාලන සමයේදී අලි භූතෝගේ ඝාතනයත් සමග ඇය පාකිස්තානු ජනතා පක්ෂයේ සභාපතිත්වයට පත් වූවාය. ඇයගේ අභාවය වෙනුවෙන් ශෝකය පළ කිරීම පිණිස ජාතික කොඩිය අඩකුඹු කොට තබනු ලබන බව පාකිස්තානු රජයේ නිලධාරීහු ප‍්‍රකාශ කළහ. දකුණු සින්ද්් පළාතේ පිහිටි භූතෝ පවුලේ සුසාන භූමියේදී ඇයගේ අවසන් කටයුතු සිදුකිරීමට නියමිත බව පාකිස්තානු ජනතා පක්ෂ ප‍්‍රකාශකයෙක් පැවසීය. නස්රත් භූතෝ මහත්මිය (මැද) හා බෙනාසීර් භූතෝ අගමැතිනිය (වමේ) 1997 දී ඉස්ලාමාබාද් ගුවන් තොටුපලට පැමිණි අවස්ථාව