ඬේලිමේල්
 
නවසීලන්ත අගමැතිනි ජසින්ඩා ආඩින් ඕක්ලන්ඩ්හිදී අද (21) දියණියකට උපත දුන්නාය. ඒත් සමඟම නවසීලන්ත අගමැතිනිය ධුරයේ සිටියදීම දරුවකුට උපත දුන් දෙවැනි රාජ්‍ය නායිකාව බව ට ද පත්වූවාය. 

 
දියණිය නවසීලන්ත අගමැතිනියගේ සහ ඇයගේ සහකරු ක්ලාක් ගේෆෝඩ්ගේ පළමු දරුවාය. 
 
“හැම අම්මා කෙනෙක්ට තාත්තා කෙනෙක්ටම දරුවකු ඉපදුනාම දැනෙන සතුට අපටත් දැනුණා කියලා මම හිතනවා. බොහෝ දෙනෙක්ගෙන් සුබ පැතුම් ලැබුණා. ඒ හැමෝටම අපි දෙන්නා කෘතඥ වෙනවා” යැයි ජසින්ඩා ආඞ්න් කීවාය. 
 
දියණිය යහපත් සෞඛ්‍ය තත්ත්වයෙන් පසුවන බව ඉන්ස්ටග්‍රම් ඔස්සේ නවසීලන්ත අගමැතිනිය සටහනක් තබා තිබිණි. ඇය එහිදි ඕක්ලන්ඞ් රෝහල් කාර්යමණ්ඩලයට ද ස්තූති කර තිබිණි. 
 
නවසීලන්ත විදේශ අමාත්‍ය වින්ස්ටන් පීටර්ස්ගේ එරට වැඩ බලන අගමැතිවරයා වශයෙන් කටයුතු කරයි. පසුගිය වසරේ පැවැති නවසීලන්ත මහ මැතිවරණයෙන් කිසිදු පක්ෂයකට පාර්ලිමේන්තුවේ බහුතර ආසන සංඛ්‍යාවක් දිනාගැනීමට නොහැකි විය. ඒ අනුව ජසින්ඩා ආඞ්න්ගේ කම්කරු පක්ෂය, වින්ස්ටන් පීටර්ස්ගේ ‘නිව්සීලන්ඞ් පක්ෂය’ සහ හරිත පක්ෂය එක්ව සභාග ආණ්ඩුවක් පිහිටුවීය. 
 
බලයේ සිටියදී දරුවකුට උපත දුන් පළමු නායිකාව පාකිස්තානයේ හිටපු අගමැතිනි බෙනාසීර් භූතෝය. 
055