බටහිර අප්‍රිකානු රටක් වන නයිජර් රාජ්‍යයේ ගිනිකොන දිග ප්‍රදේශයේ සරණාගත කඳවුරක ආහාර ඇතුලු ආධාර බෙදා දීමක දී සිදුවූ කලබලයක් හේතුවෙන් 20 දෙනකු මියගොස් ඇතැයි වාර්තා වේ.

ඩිෆා නගරයේ රැඳී සිටි නයිජීරියානු සරණාගතයින් පිරිසක් මෙලෙස මියගොස් ඇති අතර සිදුවූ අනතුරු වලින් 10දෙනකු පමණ තුවාල ලබා ඇත.

උදෑසන මෙම කඳවුරේ දොරටු විවර කළ අවස්ථාවේ ආධාර ලබා ගැනීම සඳහා ජනතාව පොරකමින් දිව ආ බව පොලිසිය පවසයි.

නයිජීරියාවේ බෝර්නෝ ප්‍රාන්තයේ ආණ්ඩුකාරවරයා ප්‍රදේශයේ සරණාගත කඳවුරු වෙත ආධාර බෙදමින් පැමිණෙද්දී මෙම කලබලය සිදුවී ඇතැයි පැවසේ.

නයිජීරියාවේ ඊසාන දිග බෝකෝ හරාම් ත්‍රස්ත ක්‍රියා හේතුවෙන් අවතැන්වූ 120 000ක පමණ පිරිසක් මෙම කලාපයේ වෙසෙති.

(බීබීසී ඇසුරිණි - 085)