නයිජීරියාවට ව්‍යාපාරකයකු වංචනික ලෙස ආනයනය කළ ප්ලාස්ටික් සහල් ටොන් දෙක හමාරක් එරට රේගුව රාජසන්තක කළ බව වාර්තා වෙයි.

මේ තොගය උත්සව සමයේ වෙළඳපොළට බෙදාහැරීමට ගෙනවිත් ඇති බව ප්‍රධාන රේගු නිලධාරී හරුනා මමුදු පැවසීය.

“මේ සහල් පරිභෝජනය කළානම් සිදුවෙන දෑ දන්නේ දෙවියන් පමණි.“යැයි ඔහු කීවේය.

මෙම තොගය ආනයනය කළ රට සොයාගැනීමට නොහැකි වී ඇති අතර මීට පෙර මෙවන් තොගයක් හසුවුයේ චිනයෙන් බව බලධාරීහු කියති.

“මේවා ඇත්තද බොරුද කියලා සොයාගැනිම අපහසුයි.ඒ තරම් දක්ෂ විදියට මේවා නිෂ්පාදනය කර තියෙනවා.සුවඳින් පමණක් අමුත්තක් දැනෙනවා“යැයිද එහි ප්‍රධාන නිලධාරියකු පැවසීය.

සැක සහිත සහල් පරිභෝජනයට නොගන්නා ලෙස එරට ජනතාවට දැනම් දී ඇත.

Untitled-2 Untitled-3

(ඡායාරූප-බීබීසි)