IMG-LOGO

2023 දෙසැම්බර් මස 10 වන ඉරිදා


නැගී එන ආර්ථික එකමුතුවලට සැබෑ බලවේග විය හැකිද?

නැගී එන ආර්ථිකයක් වශයෙන් හැඳින්වෙන බ‍්‍රසීලය, රුසියාව, ඉන්දියාව හා චීනය යන රටවල් 2008 ආර්ථික අර්බුදයත් සමග ගෝලීය වශයෙන් සම්බන්ධතාවක් ඇති කර ගැනීමේ ප‍්‍රතිඵලය වූයේ බි‍්‍රක්ස්නමින් සංවිධානයක් පිහිටුවා ගැනීමයි. පසුව මෙම එකතුවට දකුණු අප‍්‍රිකාව ද එක්වීම නිසා එය දැන් හැඳින්වෙන්නේ  BRICS නමිනි. එහි සිව්වැනි නායක සමුළුව පසුගියදා ඉන්දියාවේ නව දිල්ලියේ පැවැත් වූ අතර එය ඔවුන් අතර ගොඩ නැගෙමින් පවතින ගෝලීය සහයෝගිතාවයේ වැදගත් සන්ධිස්ථානයක් ලෙස ද හැඳින් විය හැක. 2008 එක්සත් ජනපදයේ වෝල් ස්ටී‍්‍රට් මුදල් වෙළඳ පොළ කඩා වැටීමෙන් අඩුවෙන්ම හානියක් සිදු වූ මේ රටවලට ගෝලීය ආර්ථිකය නැවත පන ගැන්වීමට හැකියාවක් පවතින බව දැක්වෙන පියවර කීපයක්ම ගැනීමට එම සමුළුවේ එකඟතාව පළ වීම ඊට එක හේතුවකි. ඒ අනුව මේ රටවල් අතර වෙළඳ ගනුදෙනු හා ආර්ථික සහයෝගිතාව සඳහා මූල්‍ය ආයතනයක් පිහිටුවීමට සැලසුම් කෙරෙන අතර එය ඉදිරියේදී ලෝක බැංකුව හා ජාත්‍යන්තර මූල්‍ය අරමුදල වැනි ආයතන සමග තරගකාරී වීමටත්, අන්තර්ජාතික විනිමය මුදල් ඒකකයක් ලෙස දැනට යොදා ගන්නා ඩොලරය වෙනුවට මෙම රටවල මුදල් ඒකක යොදා ගැනීමටත් අවස්ථාව සැලසේ. 2008 වසරේ මූල්‍ය අර්බුදයක් සමග එක්සත් ජනපදය හා බටහිර යුරෝපීය රටවල ආර්ථික පසු බෑමක් දක්නට ලැබුණ ද මෙම රටවලට විශේෂයෙන්ම චීනය බ‍්‍රසීලය හා ඉන්දියාව වැනි රටවලට ඉක්මණින්ම එම තත්ත්වයෙන් මිදි ඉහළ ආර්ථික වර්ධන වේගයක් පවත්වා ගත හැකි විය. ඇත්තෙන්ම දැනට සමස්ත ලෝක ආර්ථිකයේ කිසියම් පිබිදීමක් දක්නට ඇත්තේද මේ රටවල ආර්ථික ක‍්‍රියාකාරිත්වය නිසාය. ජාත්‍යන්තර මූල්‍ය අරමුදලට යුරෝපයේ බිඳ වැටෙමින් පවතින ආර්ථිකයන් ගොඩ ගැනීමට අරමුදල් සැපයෙන්නේද මේ රටවලිනි. එහෙත් මේ රටවල ආර්ථික හා මූල්‍ය ශක්තියට ප‍්‍රමාණවත් නියෝජනයක් එම ආයතනවල ලැබෙන්නේ නැත. ඊට අමතරව විවිධ බදු හා සීමා තුළින් එම රටවල තරගකාරිත්වය සිමා කිරීමේ උත්සාහයක් ද පවති. චීනයේ යුවාන් මුදල් ඒකකයේ අගය වැඩි කිරීමට ඇති බලපෑම හා ඉන්දියාවේ සේවා අපනයනය සම්බන්ධයෙන් පැනවීමට සැලසුම් කර ඇති සීමාවන් මීට නිදසුන්ය. එම නිසා මතුවෙමින් පවතින ආර්ථිකවල බි‍්‍රක්ස් නමින් හැඳින්වෙන මෙම එකතුවේ අරමුණු වන්නේ වෙළඳාම හා මූල්‍ය කටයුතු පිළිබඳව එම රටවල් අතර සහයෝගිතාවක් පවත්වා ගැනීම හා ඔවුන්ගේ ආර්ථික බලයට සමාන වූ දේශපාලන නියෝජනයක් ගෝලීය ආයතන තුළ ලබා ගැනීමය. දැනට පවතින රටාව අනුව ලෝක බැංකුවේ සභාපති නම් කිරීම එක්සත් ජනපදයට හිමි වන අතර ජාත්‍යන්තර මූල්‍ය අරමුදලේ නායකත්වය හිමි වන්නේ යුරෝපීය රටක නියෝජිතයාටය. බි‍්‍රක්ස් රටවල ආර්ථිකයත් සමස්තයක් වශයෙන් ගත් විට මෙම එකතුන් දෙක සමග තරගකාරි මට්ටමක පැවතියද ඔවුන්ට මෙම ආයතන දෙකේම ප‍්‍රතිපත්ති තීරණ ගැනීමේදි බලපෑමක් කළ නොහැක. මෙවර ලෝක බැංකුවේ සභාපති තනතුරට දකුණු කොරියාවේ උපන් අයෙකු නම් කළ ද ඔහු ඇමරිකාවේ වෙසෙන ඇමරිකන් පුරවැසියෙකි. මෙම රටවල අභ්‍යන්තර දේශපාලන වශයෙන් සමානතාවක් නැති බව පැහැදිලිය. චීනය තවමත් ඒකපාක්‍ෂික ක‍්‍රමයක් අනුගමනය කරන බටහිර මිණුම් දඩුවලට ගැලපෙන ආකාරයේ ඡන්ද විමසීම් නොපවත්වන රටකි. රුසියාව මතු වෙමින් පවතින රටකට වඩා පිරිහීමට පත් ආර්ථිකයක් ගොඩ නැගීමේ උත්සාහයකි. එහි ඇති විශේෂත්වය වන්නේ සුපිරි බලවතාට අභියෝග කළ හැකි යුද ශක්තියයි. ඉන්දියාව බටහිර මිණුම් දඩු අනුව ප‍්‍රජාතන්ත‍්‍රවාදි රාජ්‍යයක් වුවද එහි ඇති සමාජයීය බෙදීම් වෙනත් කිසිම රටකට වඩා තීව‍්‍රය. පසුගිය දශක දෙකක කාලයක් තිස්සේ ඉහළ ආර්ථික වර්ධන වේගයක් අත්කර ගත් නමුත් එහි පල ප‍්‍රයෝජන සමාජයේ සියලූ අංශවලට සැලකිය යුතු  ආකාරයකින් බෙදි ගොස් නැත. පහළම සමාජ ස්ථරවල දරිද්‍රතාව වඩාත් තියුණු වී ඇති අතර ධනය ඒක රාශිවීමද විශාල වශයෙන් සිදුවේ. එවැනි අභ්‍යන්තර දේශපාලන විතැන්වීම් දැකිය හැකි වුවද ගෝලීය වශයෙන් දේශපාලන නියෝජනය අත්‍යවශ්‍ය කාරණයකි. මෙම රටවල් අතුරින් රුසියාවට හා චීනයට එක්සත් ජාතීන්ගේ ආරක්‍ෂක මණ්ඩලයේ නිත්‍ය සාමාජිකත්වය හිමි වන නිසා කිසියම් බලපෑමක් කළ හැකි වුවද විශේෂයෙන් බ‍්‍රසීලයට හා ඉන්දියාවට එම අවස්ථාව ලැබී නැත. එම නිසා බි‍්‍රක්ස් එකතුවේ දේශපාලන ඉල්ලීම් වන්නේ දේශපාලන හා ආර්ථික වශයෙන් ශක්තිමත්ව ඇති රටවලට ද ගෝලීය මට්ටමේ ප‍්‍රතිපත්ති තීරණ ගැනීමට ඉඩ සැලසෙන ආකාරයට එක්සත් ජාතීන්ගේ සංවිධානය ප‍්‍රති සංවිධාන විය යුතුය යන්නයි. නව දිල්ලියේ පැවති සිව්වැනි සමුළුවේදී බි‍්‍රක්ස් එකතුව ගත් තීරණ හා එකඟතා ඔවුන්ගේ නව ආර්ථික ශක්තියට දේශපාලන පිළිගැනීමක් ලබා ගැනීමේ උත්සාහයක් බව පැහැදිලිය. එහෙත් එය යථාර්ථයක් බවට පත් කිරීම සඳහා තවත් බොහෝදුර ගමන් කළ යුතුය. ඒ සඳහා ආර්ථික ශක්තිය මෙන්ම දේශපාලන එකඟතාවක් පවත්වා ගැනීම අතිශයෙන් වැදගත් වුවත් පහසු වන්නේ නැත. එම නිසා බි‍්‍රක්ස් එකතුවේ අනාගතය දේශපාලන ක‍්‍රියා මාර්ගයක් හා ගැට ගැසී ඇති බව පැහැදිලිය.  



අදහස් (0)

නැගී එන ආර්ථික එකමුතුවලට සැබෑ බලවේග විය හැකිද?

අලිබබා Friday, 06 April 2012 11:25 PM

කෝකටත් ඔය මැද තලප්පාවක් දාගෙන ඉන්නකෙනාගෙන් පරිස්සමිවුනොත් හොදා.

:       0       0

ඔබේ අදහස් එවන්න

සයුරෙන් එතෙර

ඉම්රාන් ඛාන්ගේ බිරිඳ කැඳවීමක්
2023 දෙසැම්බර් මස 10 239 0

පාකිස්තානයේ හිටපු අග්‍රාමාත්‍ය ඉම්රාන් ඛාන්ගේ බිරිඳ වන බුෂ්රා බිබී එරට ජාතික වගවීමේ කාර්යාංශය හමුවට කැඳවා තිබේ.


සෝමාලි ජනපති පුතා අල්ලන්න වරෙන්තු
2023 දෙසැම්බර් මස 10 1071 0

සෝමාලි ජනාධිපති හසන් ෂෙයික් මොහොමඩ්ගේ පුතු මොහොමඩ් හසන් චෙයික් මොහොමඩ් අත්අඩංගුවට ගැනීමට තුර්කිය ජාත්‍යන්තර වරෙන්තු නිකුත් කර තිබේ.


ගාසා වැසියෝ කුසගින්නේ
2023 දෙසැම්බර් මස 10 658 1

සටන් විරාමය අවසන් වී, ඊශ්‍රායලය සහ හමාස් සටන්කාමීන් අතර දරුණු ගැටුම් ඔඩුදුවද්දී, ගාසා තීරයේ පලස්තීන මුස්ලිම් වැසියන්ගෙන් හරි අඩක් කුසගින්නෙන් පෙළෙන


ඊශ්‍රායලයට යුද ටැංකි 14,000 ක්
2023 දෙසැම්බර් මස 10 2048 3

ඇමෙරිකන් ක්‍රොංග්‍රස් මණ්ඩලයේ (පාර්ලිමේන්තුවේ) අනුමැතියකින් තොරව, ඇමෙරිකන් ජනාධිපති ජෝ බයිඩන් පරිපාලනය, ඊශ්‍රායලයට යුද ටැංකි 14,000 ක් අලෙවි කිරීමට සූද


ඇමෙරිකාවට ටෝනේඩෝවක්: 6 ක් මරුට
2023 දෙසැම්බර් මස 10 363 0

ඇමෙරිකාවේ ටෙනසි ජනපදයට ටෝනේඩෝ සුළි කුණාටුවක් කඩා වැදුණි. ඩෝනේඩෝව හේතුවෙන් මියගිය ගණන 6 කි. තුවාල ලැබූ ගණන 23 ක් බව පැවැසෙයි.


සටන් විරාමයට ඇමෙරිකාව හරස් වෙයි
2023 දෙසැම්බර් මස 09 2440 5

එක්සත් ජාතීන්ගේ මහ ලේකම්වරයාගේ බලකිරීමට, ඊශ්‍රායලය හමාස් සටන් විරාමයක් වහා ආරම්භ කළ යුතු යැයි එක්සත් ජාතීන්ගේ ආරක්ෂක මණ්ඩලයට ඉදිරිපත් වුණු යෝජනාවට ඇ


මේවාටත් කැමතිවනු ඇති

ශ්‍රී ලංකාවේ සනීපාරක්ෂාවේ ගැටලුවලට නිමාවක් ගෙන එන හමිංබර්ඩ් කථාව 2023 නොවැම්බර් මස 19 1032 0
ශ්‍රී ලංකාවේ සනීපාරක්ෂාවේ ගැටලුවලට නිමාවක් ගෙන එන හමිංබර්ඩ් කථාව

අද එක්සත් ජාතීන්ගේ ලෝක වැසිකළි දිනයයි. වසර 2030 වන විට ලොව පුරා සැමට පූර්ණ සනීපාරක්ෂව හිමි කර දීම ඉලක්ක කරගෙන “වේගයෙන් වෙනස කරා”

රේන්කෝ ස්වර්ණමය ප‍්‍රමිතිය හා නව්‍යකරණයේ ජවය ISO 9001:2015 සහතිකයෙන් පිදුම් ලබයි 2023 නොවැම්බර් මස 01 779 2
රේන්කෝ ස්වර්ණමය ප‍්‍රමිතිය හා නව්‍යකරණයේ ජවය ISO 9001:2015 සහතිකයෙන් පිදුම් ලබයි

නිෂ්පාදනය, අලෙවිකරණය හා බෙදාහැරීම යන අංශ ඔස්සේ නව්‍යකරණයෙන් පිරිපුන් උසස් තත්ත්වයේ කුඩ සහ මදුරු දැල් ඇතුළු නිෂ්පාදන පෙළක් හඳුන්වාදෙමින් ශ්‍රී ලාංකී

උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව 2023 සැප්තැම්බර් මස 06 4810 0
උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව

දැඩි ආශාව හා කැපවීම මුණගැසෙන ක‍්‍රිකට් වැනි ක්ෂේත‍්‍රයක් තුළ, එෂාන් මාලිංග පැමිණි ගමන් මග නම් එතරම් ආශ්වාදජනක එකක් නොවේ. ඔහුගේ පන්දු යැවීමේ වේගය හා දක

Our Group Site