'කොවිෂීල්ඩ්' එන්නත් තොග අවසන් වී ඇති බැවින්, දිල්ලියේ එන්නත්කරණ කටයුතු මේ වනවිට අඩපණ වී ඇතැයි ප්‍රාන්ත නියෝජ්‍ය මහ ඇමැති මනීෂ් සිසෝසියා මාධ්‍ය හමුවේ පවසා තිබේ.

'කොවිෂීල්ඩ්' යනුවෙන් හැඳින්වෙන්නේ, ඉන්දියාවේ නිපදවන ඔක්ස්ෆර්ඩ් ඇස්ට්‍රාසෙනකා එන්නතය. මෙය නිපදවන්නේ පූනේ නුවර පිහිටි 'සේරම්' ආයතනයයි.

ඉන්දීය අග්‍රාමාත්‍ය නරේන්ද්‍ර මෝදිගේ 'වැක්සින් මෛත්‍රී' වැඩසටහන යටතේ, විදේශවලට නොමිලේ බෙදා දීම සිදුවූයේ ද මෙම 'කොවිෂීල්ඩ්' එන්නතය.

දෙවැනි රැල්ල හේතුවෙන් ඉන්දියාවේ ආසාදිතයන් වැඩිවෙද්දී, 'කොවිෂීල්ඩ්' එන්නත් අපනයනය නවතා දැමීමට මෝදි රජය පියවර ගත් අතර, 'සේරම්' ආයතනය නිපදවන සියලු එන්නත් ඉන්දියානුවන්ට පමණක් ලබා දීම සිදුවිය.

ඒ, අනුව අවුරුදු 18 ට වැඩි සියලු දෙනාට එන්නත් දෙමින් ඉන්දියාවේ එන්නත්කරණ වැඩසටහන පුළුල් විය.

නවදිල්ලියේදීය (එන්.ඩී.ටීවී.)