වැටුප් වැඩි කරන්නැයි ඉල්ලමින් දකුණු අපි‍්‍රකාවේ රන් ආකර සේවකයන් පිරිසක් ද ඊයේ (04) වීදි බැස විරෝධතා පැවැත් වූ අතර පොලිසිය ඔවුන්ට කඳුළු ගෑස් සහ රබර් උණ්ඩ ප‍්‍රහාරයක් එල්ල කළේය. විරෝධතාවට රන් ආකර සේවකයෝ 80 දෙනකු පමණ සහභාගී වූ බව පොලිසිය පවසයි. පොලිසිය එල්ල කළ ප‍්‍රහාරයෙන් විරෝධතාකරුවන් කිසිවකුටවත් අනතුරක් සිදු නොවූ නොවිණි. මීට සති දෙකකට පෙර දකුණු අපි‍්‍රකාවේ ප්ලැටිනම් පතල් සේවකයෝ පිරිසක් ද වීදි බැස විරෝධතා පැවැත් වූ අතර එහිදී පොලිසිය එල්ල කළ වෙඩි තැබීම්වලින් විරෝධතාවට එක් වූ පතල් සේවකයෝ 34 දෙනෙක් ජීවිතක්ෂයට පත්වූහ. ප්ලැටිනම් පතල් සේවකයන් වීදි බැස විරෝධතා පැවැත්වූයේ වැඩි වැටුප් දිනා ගැනීමට මෙන්ම අප‍්‍රිකානු ජාතික කොංග‍්‍රසයේ නායකත්වය යටතේ පවතින පතල් කම්කරුවන්ගේ ජාතික සංගමයට බැඳීමේ ද අරමුණින්ය.