ඉරානයේ සිට සෝමාලියාව ඔස්සේ යේමනයට ගෙන යමින් තිබූ බවට සැක කරන ගිනි අවි 2000ක් සමඟ ධීවර යාත්‍රාවක් අත්අඩංගුවට ගත් බව ඕස්ට්‍රේලියා  නාවික හමුදාව පවසයි. මේ ගිනි අවි යේමනයේ හවුති ගරිල්ලන් වෙත ගෙන යාමට සැළසුම් කර තිබෙන්නට ඇතැයි කියති.

ඕමානයට නාවික සැතපුම් 170ක් දුර මුහුදේ දී අත්අඩංගුවට ගත් ගිනි අවිවලින් වැඩි ප්‍රමාණයක් ඒකේ 47 වර්ගයේ ස්වයංක්‍රීය අවි බවත්  අවි 1989ක් එහි තිබූ බවත් විදෙස් මාධ්‍ය වාර්තා කරයි. රයිෆල් 100ක් හා රොකට් විදිනයේ සවි කරන අත් බෝම්බ ද එහි තිබී ඇත.