තායිවාන ජනාධිපතිවරණයෙන් දෙවැනි වරටත් ජයග‍්‍රහණය කිරීමට එරට ජනාධිපති මායිංග් ජෝ පෙරේදා (14 සමත් විය. එරට මැතිවරණ කොමිසම නිවේදනය කළේ ජනාධිපති මායිංග් ජෝගේ ‘ජාතික පක්ෂය’ සියයට 51.6 ක ඡුන්ද ප‍්‍රතිශතයක් හිමිකර ගත් බවය. ජනාධිපතිවරණයට තරග කළ මායිංග්ගේ ප‍්‍රධාන ප‍්‍රතිවාදියා වූ විපක්ෂ නායිකා තෙයි ඉන්ග් වෙන්ගේ ප‍්‍රජාතන්ත‍්‍රවාදී ප‍්‍රගතිශීලි පක්ෂයට දිනා ගැනීමට හැකිවූයේ සියයට 45.6 ක ඡුන්ද ප‍්‍රතිශතයක් පමණි. පරාජය බාරගත්  විපක්ෂ නායිකාව කියා සිටියේ තමා පක්ෂ නායකත්වයෙන් ද ඉවත් වන බවය. තායිවානය ස්වාධීන රාජ්‍යයක් වුවත් චීනය සලකන්නේ තායිවානය තම රටේ කොටසක් ලෙසය. මේ හේතුව නිසා තායිවාන/චීන අර්බුදයක් ද පවතී. පවතින එම අර්බුදයට මුහුණ දීමට තායිවාන ජනාධිපති මායිංග් ජෝට ශක්තියක් ඇතැයි  තායිවාන ජනතාවගේ විශ්වාසයයි.